Конечно, му дојде редот на акумулаторот.. Немање време, упм.
Фабричкиот, тераше 6 години и ~46.000 километри. Откажа без никаква најава, макар што сега некако многу посамоуверено ми пали колата со новиов, онака, цврсто, стабилно.
Заменет со Exide Classic EC550, земен од локален дилер на "Батери Еволушн" - Скопје, за 3.400 денари, што мислам дека е bargain. Стариот би го шитнал некаде 500-600 денари, и ќе излезе овој нецели 3.000-ки. Супер, само да се погоди, бар 3 години, вака, од тепка.
Немав проблем со димензиите, односно што овој беше повисок од фабричкиот.
Документирано, фотографирано..
Стариот.
Го извадив, прво минусот го откачив, па плусот, а во корпата што стои самиот акумулатор, кило песок и други триста лајна.
Ја извадив и корпата - стои на три штрафа, има еден метален држач за црево на него, и стега за некои жици, што се вадат. Ја измив добро и ја заштитив со Sonax Mos2 Oil Nano Pro..
Ги изчистив добро клемите со крпа (макар што беа кристално чисти), и нив ги прснав со Сонаксот, кој е мултинаменско средство, а врши работа и како контакт спреј. Го ставив новиот, во обратен редослед од стариот - прво плусот, па минусот.
Добра прилика да се види колку се валка моторот, за неполни 7 месеци..
Да не помине се така глатко, се погрижи електриката на стаклата. Палам, супер запали, морам да кажам, тргнувам, стискам дугмето за да отворам џам - задржувам, пуштам, и стаклото останува таму каде што сум го испуштил копчето. Претходно, задржувам секунда-две, и се отвора и затвора целосно. Исто и на левиот, и на десниот џам.
Пробам исто, кога ја заклучувам колата со клучот во бравата, не преку далечинското, со мало задржување на клучот во десно, колата се заклучува и се затвораат џамовите, доколку се отворени. Пробам сега, по замената - и тоа не работи.
Малку пцуење и нервоза, и се фатив за работа. Пак го откачив акумулаторот, па го приклучив, викам да пробам "ресет". Не упали.
Осигурачите - дури три има за електриката на прозорите, и два за централното. Проверени сите - се е во ред со нив.
Ги извадив копчињата за џамовите, ги "продував" конекторите, пак ги приклучив - пак ништо.
Пробав и со пресинхронизација на клучот - се дава контакт, се притиска некое од копчињата за заклучување или отклучување на далечинското, колата се заклучува и се отклучува во знак дека синхронизацијата е завршена. Не упали ни ова.
Пцуејќи, работеше колата, затворени џамовите, од нервоза - два пати (како двоклик) притиснав на копчето за левиот џам, го отворам - си работи најнормално. Го правам истото и на десниот - исто, проработе. Пробам и со клучот да ги затворам - работи и тоа.
Blind luck, али добро е. Може ќе му се најде на некој, или на мене, за нареден пат.
Тоа е тоа. Me likes.
