Не загадувајте ве молам. Какви и да се гумите, такви се. Се додека се напумпани доволно, или малку препумпани добро е. Еднаш во месецот проверка е одлично. За избор на нови гуми, барем кај нас се зема тоа што е релативно најдобро и најповолно. Тоа не е темата.
На темата:
Куплунгот при поаѓање треба да се отпушта така што возилото не надминува 1500-2000 вртежи. Односно да не се тргнува со залетан мотор. Тоа не е само заради потрошувачка туку за уште многу други работи кои ќе се изабат, па индиректно удираат по новчаник.
Понатаму куплунгот треба да е отпуштен постојано, освен кога се стои или менува брзина. При застанување на семафор и слично куплунгот треба да се притисне најкасно што може. Тоа е за да се користи моторното кочење максимално, што ги штеди кочниците, а воедно и моторот не троши гориво за да се врти, зошто тркатала го вртат.
Истото важи и за на удолници, што помалку кочница а повеќе моторно кочење, и соодветен пренос.
Соодветно треба да се префрла во лер кога автомобилот стои.
Треба да се вози „мазно“ (smooth), заради сите потрошни делови на возилото, сигурноста, потрошувачката и комфорот (Не возиш компири). Значи испланирани движења со гламур и префинетост. Да не се маваат патниците наоколу по колата. (Освен ако не е тоа поентата... а често е.) Ова важи и во екстремни услови. Според зборовите на Џеки Стујард сите акции во колата треба да се извршуваат брзо, но флуидно. Тој тврди дека тоа е неговата тајна во возењето, чисто да не помислите дека говорам за споро возење или неинтересно возење.
