Блокиран безбедносен појас

[Lazarus]

Здраво дечки,
Пред некој ден инсталирав детско седиште на задна клупа. При манипулација случајно ми се деси да го извлечам безбедносниот појас до крај и не се враќа назад. Дали има некоја финта или механизмот е расипан? Се работи за релативно нова кола, Seat Altea 2009. А појасот дали е пет пати користен за врзување при пат на подолги релации.
Поздрав.

[Simo - Carrier159]

Пробај потегни малку посилно нанапред, „цимни“ го малце.. Би требало да се врати сам назад.

[Lazarus]

Simo,
Пробав посилно со цимање, и напред и малце нагоре, па лево десно, не мрда. Извлечен е изгледа до крај, а механизмов не реагира. Чаре?

[osmica8]

Раслклопување. Види како можиш да стигниш до механизмот, па да видиш дали од нешто е заглавен.

[Simo - Carrier159]

Заглавиле тие куглите што по центрифугален пат се заглавуваат за да не може да оди уште појасот при нагло потегнување, и тоа веројатно баш на крај, кога немаш више појас за истегнување. Пробај малце со чеканче лупни по котурот (механизмот), може ќе се одглават, пред да почнеш со отворање. Мене еднаш на Самарата ми се имаше тоа десено, малце со вакви „убедувачки методи“ успеав да го вратам назад, и потоа си функционираше беспрекорно. 

[MartinAlfista]

Полека тегни го, не нагло. Ако е ко што вика Симо, треба да се одглави.

[Drive-r]

Пробај да го враќаш назад, може ќе повлече.

[Lazarus]

Успеав да го поправам појасов.
Ја извадив маската и приметив дека појасот е заглавен ама не беше извлечен до крај туку имаше еден или два круга околу буренцето. При мрдање на појасот испадна оваа пластика:

Ја разгледав малце и видов дека не е оштетена туку само излезена од лежиште поради наглото влечење нагоре и во страна кога се обидував да го "цимам". Пластикава има изгледа функција да го усмерува појасот за правилно да се намота околу буренцето и да не се увива.
Почнав да го мотам рачно буренцето во насока на намотување и по неколку круга напред-назад се активираше механизмот за намотување! После тоа повеќе пати го пробав за да се уверам дека работи и пред да ја вратам таа пластиката за усмерување на појасот во своето лежиште му прснав малце WD40 на буренцето кај допирот со држачот каде што врти. Се надевам не згрешив со подмачкувањето 

После се вратив на свое место.


Ви благодарам на сите за корисните совети!
Поздрав.

[Simo - Carrier159]

АКо не ти се „мрси“ појасот, според мене не си згрешил со подмачкување

[Lazarus]

Се надевам нема, фала Simo.