Поентата е дека не знаеш каква работа е завршена во неофицијалниот сервис. Не знаеш дали работата е стварно завршена или е само опнат печат колку да има печат. Можеби пишува дека е сменето уље и дека се сменети каиши, водна пумпа итн, а тоа да не е направено. Затоа не значи ништо.
Да, подобро е да има отколку да нема, ама кога е од неофицијален (или несертифициран) сервис, не мора да значи ништо. Немојте да мислите дека сервисерите во Германија се нешто подобри/поетични од нашите. Секаде има крпење. Фалсификување сервисна книшка е многу лесно да се изведе. Иде Хелмут кај Хајнрих во гаража и му вика „Хајнрих, сакам да шитнам зи возило, ај удирензи печати ин зи сервис книшка“. Хајнрих мава 10-тина печати и за возврат зима одредена сума на пари. Фала, пријатно. На Хајнрих тоа не му е проблем бидејќи не сноси одговорност за сервисите - ако нешто се сјебе, може да каже „клиентот сам донесе делови/масло/дрн-дрн, јас не сум одговорен за нивниот квалитет.“
Во официјален сервис се води компјутерска евиденција која се синхронизира со централниот сервер на производителот. Со други зборови, можам во Скопје да проверам кола која е сервисирана во Германија. Во официјален сервис нема можности за фалсификување сервисна историја. И она што е мноооогу важно - официјалниот сервис гарантира и стои позади сработеното.
На Леонот менував каиши и затегачи во Порше Македонија. После 20.000 км и година и кусур (даваат 30.000 км и 2 години гаранција на сработеното) еден затегач почна да зуи. Отидов таму, ја идентификуваа грешката и бесплатно ми сменија ребраст каиш и еден затегач. Да го правев тоа во неофицијален сервис, мало сутра што ќе добиев таков однос.
Не викам дека официјалните сервиси се подобри. Во МНОГУ случаи неофицијалните сервиси се значително подобри, со повеќе реално искуство и повеќе трпение бидејќи од клиентите им зависи живеачката. Меѓутоа, кога јас би купувал половна кола, многу повеќе би ми значел печат од официјален сервис отколку од Хајнрих, кој нит го знам, нит го познавам, нит знам како работи.
