brkajte vrski..., koj bese od tuka v MVR neka pomaga...? pa i air da vi vidi coek, so carClub nalepnica
МВР распишува конкурс за 400 нови полицајциМинистерството за внатрешни работи утре ќе распише јавен оглас за вработување на нови 400 полицајци, што е трет ваков конкурс што ќе се реализира согласно веќе стандардизираните и исцрпни критериуми, информираше на прес-конференција министерката Гордана Јанкулоска.
По спроведената постапка за селекција, избраните кандидати за полицаец склучуваат договор за основна обука за полицаец и на истата се упатуваат за 10 отсто поголем број кандидати за полицаец од бројот на слободни места за кои е распишан овој оглас или во конкретниот случај 440 кандидати. При селекцијата ќе биде земена предвид соодветната и правичната застапеност на сите етнички заедници во Република Македонија.
„Кандидатите кои ќе ги исполнат условите и кои ќе бидат избрани по направената селекција, ќе склучат договор за основна обука за кандидат за полицаец во времетраење од една година, која ќе се спроведе во Центарот за обука при Министерството за внатрешни работи. По завршување на основната обука кандидатите за полицаец ќе склучат и договори за вработување во организациските единици сместени во Скопје“’, рече министерката за внатрешни работи Гордана Јанкулоска.
Како и при распишувањето на претходните два конкурса за прием на полициски службеници, кандидатите треба да ги исполнуваат општите услови, односно да се државјани на Република Македонија, да се полнолетни а да не наполниле 25 години, да имаат завршено најмалку четиригодишно средно образование, да се здравствено и психофизички способни и со правосилна пресуда да не им е изречена казна забрана на вршење професија, дејност или должност.
Покрај овие општи услови, кандидатите треба да ги исполнуваат следните посебни параметри, односно да се високи најмалку 175 сантиметри, за мажите, односно 165 сантиметри за жените, како и да се со висока лична физичка и психичка подготвеност за извршување полициски задачи.
Како и при претходниот прием на полициски службеници, предуслов за натамошно продолжување со селекцијата ќе биде минимумот од
60 стомачни склекови, 55 градни склекови, трчање на 3.200 метри за 13,30 минути и 10 згибови на вратило за мажи, додека минимумот за женските кандидати ќе изнесува 60 стомачни склекови, 27 градни склекови и 3.200 метри за 16,30 минути, како и други физички проверки, кои би биле определени од страна на Комисијата.
По завршување на физичкиот дел, ќе следува писмено...
http://kajgana.com/mvr-raspishuva-konkurs-za-400-novi-policajci
