Седум повредени во сообраќајна несреќа кај Велес
Седум лица, повеќето кавадарчани се повредени откако комбето со кое се превезувале се превертело и излетало од патот. Според сведоците несреќата се случила вчера околу 16,45 часот на автопатот на делницата Велес – Градско, кај селото Виничани.
Во несреќата седум лица се повредени од кои три тешко. Од дежурниот доктор на велешка болница информираа дека еден од повредените поради тежината на повредите е префрлен на Ургентен во Скопје, а двајца со скршеници се задржани во Општата Болница во Велес. Другите се пуштени на домашно лекување. Комбето кое ги превезувало работниците доаѓало од Тетово и ги носело работниците дома во Кавадарци.
