Имам и јас една случка - тумбање што ќе се памти за век и векови ...
1 Мај 2011, втора година средно, уфилман кепец од GTA, татко ми ми купи Фиќо да си се усовршувам со возење а и башка служеше за секакви работи за до викендица. И ај 1 Мај ќе славиме кај мене во викендица на Водно. Сабајлето уште кога одев натака на секое кривинче земјен пат кумплуг стисни натепај гас и се подзавртува и адреналинот ми расте, првпат такво чувство. Ајде доаѓа време за скарата викам на еден другар дојди со мене да се повозиме малце, и пукање Фиќоно по земјано патче у 2-ра брзина би идело 50-60km/h,арно ама претходно зароси и ко да се наоѓам на ски патека. Има една заебана кривинка цик-цак баш до викендичката, и залетан по тоа тесното патче земјано разлизгано,адреналин ме пука, мавам кочница ни кочи ни бога моли,мавање со десно крило во брегот под инерција ме врти на кров,пак ме одбива од земја и ме фрла на едно дрво ( СРЕЌА што беше тука дрвото иначе ќе отидев доле во лозјето на предвремена берба на грозје хахах ). Фичото имаше контакт со земјата само со предниот лев фар иначе беше на кант свртено со задниот дел качено на дрво. Другарот искочил низ предна шофершајбна и само малце ја удрил главата, а мене ме извлекле низ вратата некако, али знам само дека на трет шамар од братучед ми сум ги отворил очите и гледам фичоно на дрво и викам „Леле што направив“. Среќа и мене ништо не ми беше само носот ми беше надуен ко бабура,и фина гребнатинка на раката. А тие што седеа во дворот на викендичката гледале „филм“ ---И одједнооом, љетив на кров--- ...
Ова ми претставува многу добра лекција дека не е све како што изгледа!
Слики немам во компјутеров зашто го преинсталирав,ако најдам од кај братучед ми ќе ставам...
