Maserati ќе понуди хибриден погон за сите свои идни модели. Исклучок ќе биде единствено контроверзниот Alfieri.
Се очекува дека првиот хибриден автомобил ќе биде теренецот Levante, кој треба да се појави на пазарот во 2017 година. Моделот ќе биде проследен со хибридни верзии врз Quattroporte, Ghibli, GranTurismo и GranCabrio, а тие официјално ќе бидат претставени најрано во 2020 година.
„Ние мора да постигнеме успех со нашите хибриди, имаме своја формула, рецепт - едноставно е. Ова мораме да го реализираме, бидејќи во земјите каде барањата за емисиите се строги, очекуваме да постигнуваме подобри резултати. Се разбира, се сé сведува на желбата на клиентите. Ќе се стремиме да ги електрифицираме целосно нашите автомобили, но само ако тоа може да се постигне без губење на задоволство при возењето“, истакнува главниот менаџер на фирмата, Џулио Пасторе.
Ова е само дел од главната цел на Maserati, да се постигнат 75 000 продажби годишно до 2018 година, а овој рекорд се очекува да биде остварен благодарение на лансирањето на Levante, бидејќи моделот е лоциран во најрастечкиот сегмент, оној на кросоверите.
http://avtoplus.mk/vesti/zanimlivosti/maserati-podgotvuva-cela-paleta-hibridi
