Дали е паметно да се иде за Охрид преку Битола, ми кажаа дека мостот после семафорот кај Гостивар го прават и дека било хаос и преку работни денови се чекало по пола саат.
Да мостот на Вардар после семафорите Гостивар се прави. Јас минатиот понеделник не заглавив, ама одозгора од Стража имаше долга колона.
Од прилепска страна ваква е ситуацијата.
Плетвар од каменоломот до Беловодица каде што се само две ленти, една нагоре, една надоле веќе е во многу лоша состојба, бара внимавање.
Јас ги имам научено 3-4 критични места каде што има огромни дупки па некако ги избегнувам.
Потоа од Лукоил Прилеп до Ново Лагово исто ужасна состојба и тука се префрлуваш по стариот пат.
Засега стариот пат нема нешто дупки, ама е тесен.
Од Тополчани натаму се вози по постоечкиот пат, ама исто така во доста лоша состојба е, преку цел коловоз се процепите по асфалтот, најдобро возење е или газиш со левите тркала точно по средната лента или бегаш скрос десно и газиш по крајниот раб на патот со десните тркала. Ако ги пратиш колотразите, спреми се психички за целата суспензија на колата дека ќе треба да ја менуваш после само едно возење на тој пат.
Моја препорака, ако веќе се оди преку Битола, возете и од Тополчани до Битола по стариот пат, нема дупки, ама има доста кривини, внимателно, не се за повеќе од 80 км/ч.
И јас веќе не знам кој пат да го фатам за накај Охрид, за натаму одев преку Дебар, нема воопшто дупки, ама се патува повеќе. Ама и уживаш во природа.
За назад преку Битола си доаѓав и возев по целиот стар пат Битола-Прилеп.
