Во Франција, така, во овој октомври се регистрирани 2,6 отсто повеќе нови автомобили, отколку во истиот месец минатата 2012 година, или вкупно 166.515 нови возила, објави во соопштението француското здружение на автомобилската индустрија CCFA. Со тоа е продолжен растот од претходниот месец, септември, кога бројот на новите регистрирани возила на годишно ниво беше зголемен за 3,6 отсто.
„PSA Peugeot Citroen" ја зголемил продажбата за 4,1 отсто, благодарејќи меѓу другото и на новите модели како што се компакт „208" и мини теренецот „2008". Продажбата, пак, на „Renault" пораснала за 5,8 отсто, а ја поттикнал моделот со слична големина „Captur".
Француската автомобилска индустрија е важна алка на француското стопанство, а во изминатите две години вкупниот дел на „PSA Peugeot Citroen" и „Renault" на домашниот пазар се намали за 2,6 отсто, на 53,6 отсто во периодот од јануари до октомври. Им го преземаа странските конкуренти, како германски „Volkswagen" и корејски „Hyundai", и тоа е во услови на намалена побарувачка.
„Volkswagen", пак, во октомври забележал пад на продажбата за 3,6 отсто, податоците на CCFA. „Hyundai" и „Кiа" ја зголемиле продажбата за 5,8 отсто, а ги следи „Тоyota" со раст на продажбата од 5,2 отсто. Скокнала и продажбата на американскиот гигант „ General Motors", за 9,4 отсто, благодарејќи на 31-процентниот раст на продажбата на брендот „Chevrolet"./крај/мф/сн
LosiPatista