Со самото тоа што си пропишал правило со кое не се согласува мнозинството субјекти на кои правилото се однесува - Е ЛОШО правило.
Никако. И Симо сум го чул во овој правец да размислува. Ова што го велиш е антицивилизациски. Правилата секогаш се носат наспроти „природните“ стремежи. ТОА Е НИВНАТА ОСНОВНА НАМЕНА, затоа се измислени. Тоа е основната разлика меѓу дивјаштво и цивилизација. Ако законите секогаш кореспондираа со она како луѓето и вообичаено си прават - тогаш нема да има потреба од закони.
Замисли некој ти ја изгребе колата и ко за беља го фатиш жив. Прашај го мнозинството дали гребачот заслужува ќотек до посеруење и мнозинството ќе ти каже „да“. ТОКМУ ЗАТОА постои закон кој ти забранува да го тепаш. Пошто ако сите спорови ги решаваме со тепање - ќе се вратиме во дивјаштво.
За ова прашање многу е дискутирано низ историјата. Се смета дека најголем придонес кон теориското апсолвирање на оваа тема дал Томас Хобс.
Томас Хобс се интересирал, меѓу другото, за генезата на општеството - кој е круцијалниот момент кој ја прави разликата помеѓу цивилизацијата и дивјаштвото. Според него, општество не значи ништо друго туку живеење според правила. КОЈ ги измислува правилата и КАКО ГЛАСАТ тие правила, сега не не интересира. Не интересира само нужноста на правилата per se.
Замислете си дружина од десет гладни и нервозни дивјаци како талкаат низ џунгла. Одеднаш, пред нив блеснува купче од десет дебели банани. Рефлексите им се активираат, разноразните самоодржувачки нагони се вклучуваат, мускулите и вилиците се згрчуваат - и сите десет заедно за затрчуваат кон десетте банани. Се тепаат за нив. Еден дивјак грабнал пет и покушава да кидне, му се сипаат двајца да му ги земат. Две му зимаат и ги бутаат у уста, две се распаѓаат во жарот на борбата и се размачкуваат по земјата, петтата овој првиот ја голта сосе кора (за побрзо да ја изеде додека не му ја зеле и таа) додека корката и месото од бананата му се мешаат со крвта која обилно му тече од носот, како последица на тепачката. Другите седум дивјаци лом се прават околу преостанатите пет банани, кој сега веќе се две пошто три банани исто така се размачкале по земјата уништени... Како епилог, секој мајмун во просек изел помалце од една банана, и тоа по цена на скршен нос или други ситни повреди, и тоа малце што го изел било делумно изгребано од земјата и измешано со земја. Пичвајз.
Тогаш, на еден посебно мудар дивјак, додека си ја чешкал раскрвавената глава, му светнала следната генијална идеја: дечки, ајде следниот пат кога ќе налетаме на десет банани, да не се улетуваме сите како дивјаци некои, туку во мир секој да си земе по една банана. Така ем повеќе ќе јадеме, ем на мир и ко луѓе (а не ко дивјаци) ќе јадеме, ем нема да се испотепаме претходно и да ни тече крв. Како тоа, се зачудиле дивјаците? Па така, им рекол мудриов, следниот пат ќе се ВОЗДРЖИМЕ и нема да се испотепаме. Секој од нас ќе си земе по една, БЕЗ ОГЛЕД на тоа што во тој момент на дофат ќе му бидат повеќе од една...
Во тој момент, групата од десет дивјаци се трансформирала во мини општество - во организирана заедница базирана на СВЕСНО ВОЗДРЖУВАЊЕ од некои потреби и нагони, а со крајна цел - општо добро - т.е. подобро задоволување на ИСТИТЕ ТИЕ потреби и нагони. На сите да им биде боље.
Така, сите дивјаци, па и оние посилните, свесно се ОТКАЖАЛЕ од слободата да грабаат колку што можат банани. Тоа што МОЖАТ и САКААТ не значи и дека ТРЕБА.
Живеење во организирано општество не значи ништо друго туку, да повторам, свесно и доброволно откажување од некои права и слободи, но за возврат добивање на други права, слободи и можности, кои не би ги имале кога не би живееле во општество.
Или, накусо, кој сака све да биде дозволено, нека повели во Амазонската џунгла (таму нема полиција) и нека си прави што к*р сака. Но се додека тој некој живее во општество, има да се повинува на правилата кои владеат во тоа општество и има уште и „фала“ да каже. Законите и прописите не се совршени, никогаш не ни биле, и никогаш нема да бидат - но ЛОШИ прописи се подобри од НИКАКВИ прописи.
(да не се чудиш, овој текст го пишував пред повеќе години, но по потреба го копи-пејстам кога ќе видам дека муабетот иде у правец „законите треба да се прилагодат на навиките на луѓето, а не навиките на луѓето да се прилагодат на законите)
Али цела редица тргната накај работа колективно и релаксирано да си свирка возејки со 23кмх поради еден приватњак , тоа само во Filipworld.
И во развениот свет исто, не само филипворлд
Што те спречува да си свиркаш возејќи 23 км/ч? Брзаш? Тргни порано. Онака без конкретна причина се нервираш ако возиш споро? Скини ја возачката.
