Шумахер кажа збогум на „Ф1“ засекогаш!?
Седумкратниот шампион во „Ф1“ вели дека на ум не му „паѓа“ да има уште едно враќање во големиот циркус на тркала. Ја вкусил радоста на победата и на освоените титули, но и другата страна на медалот.
„Кога ќе се свртам наназад, гледам успеси и причина да бидам задоволен и среќен. Тука не мислам само на победите и титулите, тие се само една страна од приказната. Во минатите сезони ја почувстував и горчината на поразот, помалку убав, но исто така важен за мене. Знаев како е кога се победува, а сега знам како е и кога се губи. Верувам дека тоа ми помогна да станам комплетна личност, да имам поголемо трпение, но тоа може да е резултат и на моите години"
„Кога ќе се осврнам на неколкуте минати сезони, не чувствувам жалење што се вратив во „Ф1“, туку радост, поради успесите и одговорите што си ги дадов себеси. Пред мене се нови предизвици што ги нуди животот и јас, со радост, ги прифаќам“, изјавил Шумахер во разговор со новинарите.
http://visokioktani.mk/mk/articles/sport/shumaher-kazha-zbogum-na-f1-ovojpat-zasekogash
