Дали користите AI и со која цел?

[balanar]

Се ,,фатив" како го користам ChatGPT периодов околу уредувањето на станов. Ми излезе некој бесплатен trial период од 1 месец за ChatGPT Plus верзијата (20$ е месечно регуларно). Ќе ми истече за две недели не знам потоа дали ќе продолжам.

Ми помогна буквално за се интериерно - локација на целата ел. инсталација, за кујната, за мебел секаде, обрати внимание на ова, тоа...
Му правам upload на слики (скиците од инвеститорот, мои скици со димензии, слики од SketchUp дизајн, слики со мебел и димензии) и си ги поврзува логички и просторно.
Ми вади и рендери.

Ми помогна и во средување на CV-то и во LinkedIn профилот.
CV-то не ми беше обновено со години.
Кога ќе ги споредам двете верзии (како беше и како е сега) - буквално сега е светски. Мислам дека комотно можам да аплицирам било каде во светов, во сферата во која работам.

Исто ми помогна и во дозирање/мешање на пептиди за една личност што се лекува од канцер на дојка.

Не сум некој фан на AI, иако работам во IT индустријата уште од прв работен ден (не сум софтвер-аш).
Мислам дека ова беше/е заради глупите намени за кои се користи (фејк слики, фејк видеа, фејк статии).
За секој еден што користи AI баш за унапредување на своето живеење - тројца други го користат за глупости.

Мада мислам дека ми се смени мислењето, ептен многу ми помогна баш сега кога ми е потребно.

[Simo - Carrier159]

Не мора да продолжиш со претплатата, можеш да активираш плус оној месец кога мислиш или кога ќе ти треба поинтензивна работа со џипити.  Јас така правам, кога имам на работа повремени проекти и кога ми треба поинтензивно генерирање на содржини во врска со истите. Потоа ја прекинувам претплатата, па 2-3 месеци си терам со бејзик, кој е сосема доволен за општи работи. 

[balanar]

Не мора да продолжиш со претплатата, можеш да активираш плус оној месец кога мислиш или кога ќе ти треба поинтензивна работа со џипити.  Јас така правам, кога имам на работа повремени проекти и кога ми треба поинтензивно генерирање на содржини во врска со истите. Потоа ја прекинувам претплатата, па 2-3 месеци си терам со бејзик, кој е сосема доволен за општи работи.

Да, прав си. По потреба активација 

[kimi makedonski]

Претплатата од 20 долари во моментов е смешна за работата што ја завршува.

[Carpathian Lord]

Јас месецов наполнив две години кај што сум на subscription и деактивирав за прв пат. Чисто ме интересираше. Ми дадоа месец гратис да се вратам пак 😅 Фактички месецот ми истекуваше на 10.02, добив месец бесплатно до 10.03.

Имам им од работа платен GPT. Ама ова се лични работи. Така што ќе го продолжам меѓувреме ќе уплатам еден месец за Claude.

[negoznam]

Имам службени ChatGPT Business и Gemini Pro од кога пуштија, додека сам си плаќам Claude Pro од пред некој месец. Секое си има различна намена и значително ми го олеснија животот за многу досадни ситници на работа, дополнително што намаливме трошоци и подобривме оутпут.

По дома исто врши доста работа да убрза одлуки за што да се купи и многу важно, да помогне со дијагностика на колите. Како другарче не го користам, но сум културен со него/неа/тоа за секој случај

Многу важно е како ќе го поставипш prompt-от. Секој LLM (поготово GPT) е дизајниран да му го пуши на корисникот, па доколку примети и малце наклонетост према нешто во prompt-от, генерално ќе се сложи со тоа и ќе ја заземе таа страна. Ова често резултира со лош оутпут/погрешни информации. Што пообјективен промпт, подобар резултат.

Доколку некој го интересираат локални АИ асистенти нека разгледа https://openclaw.ai/ а и драмата што се случуваше со првата социјална мрежа само за АИ асистенти - https://moltbookai.net/

[Jimny]

🤖✌️

[negoznam]

🤖✌️

Што збориш бе, ти користиш АИ?

[Jimny]

🤖✌️

Што збориш бе, ти користиш АИ?

Ехее веќе 2 години стаж имам лебот го вадам од АИ.Да живее Маск за ова чудо.

[Prof. Greenthumb]

Браво, тоа е иднината реално. АИ веќе влегува и во авто-индустрија — дијагностика, дизајн, софтвер во возила, автономно возење. Кој ќе научи да го користи сега, ќе биде чекор пред другите. Не е магија, туку алатка, ама силна алатка.   
 
 
 

[Filip MK]

Не сум ја користел алатката до сега, имам некој страв дека ако почнам ќе станам зависен од AI или во превод, ќе затупам 

[balanar]

Не сум ја користел алатката до сега, имам некој страв дека ако почнам ќе станам зависен од AI или во превод, ќе затупам 

И јас размислував слично, дека ќе престанам да имам „свое мислење" или свој осврт во поглед на проблематиката за која би се советувал со AI-то. Или дека би престанал да барам и други извори на информации (од други сајтови, форуми, стручни лица и сл.)

Ама сепак не, го гледам како дополнување или еден вид на техничка поддршка за она за кое се консултирам.
Ниту престанав да имам свој вкус во поглед на станот, ниту престанав да гледам други идеи и решенија од интернетов, ниту пак AI е тишлер 

[MarceCvarce]

Non sense e toa deka ke zatupish, isto kako da citash kniga namenski barash neshto. Koga ke procitash shto te interesira si naucil neshto novo

[Ipkisija Meskosa]

Многу информации станаа достапни многу брзо, пишиш на гугл или сега АИ и ја имаш одма информацијата.

Гледано ретроспективно, кога не се стигнуваше до информации така лесно, кога немаше компјутер/мобилен/таблет и интернет за секое дете, јас имав бази на податоци, ги собирав од разни списанија што ни ги даваа на училиште, весници и списанија што ги купуваше татко ми, брат ми...

Филмој, музика, научна фантастика, електроника, коли...

Имаше и некои емисии на тв (се сеќавам на интрото на "По 2000та").
За музика прибирав информации од Драган Б. Костиќ. и неговите емисии на радио. Тетратката пред мене и фаќање на белешки.

Сите собрани ствари ги сортирав во папки, филм, музика, технологија, коли, астрономија/научна фантастика. За филм и музика фајлојте беа по азбучен ред
Сеуште ми стојат во Битола, складирани во кутии.

Тоа ми беше Јаху, Гугл, Википедија

Се наоѓа и по некој стрип складиран по кутиите.

Многу поќе се трудев да ги запамтам работите што ќе ги прочитам, за да ги кажам ако има потреба или да се курчам колкава ми е базата на запамтени глупости

На памет ги знаев броевите од фиксен на цел клас, плус на цела улица и блиските роднини. Сега напамет го знам само мојот мобилен и на мајка ми (се разликува само со едно бројче, затоа ) и толку.

Секоја информација што ми треба во моментот ја наоѓам на интернет, не се трудам воопшто да ја запамтам, ќе ја најдам пак на интернет ако ми притреба. Ми помогнал интернетот за доста ствари. Корисни ствари.

Затупувачки? По ова шо го напишав, затупен сум скроз во глобала, благодарение на интернет и благодетите благодарение на интернетот

[kimi makedonski]

Не сум ја користел алатката до сега, имам некој страв дека ако почнам ќе станам зависен од AI или во превод, ќе затупам 

Не е проблем да си туп и глуп проблем е да немаш пари. Како би бил глуп но со пари оо па нема поубаво нешто од тоа.