Да го паркирам и јас возилово во гаража.
Тргна како идеа да се замени старото возило Golf MK7 1.6 TDI од 2015 година со поново. Планот беше да се купи возило од 2021 година па нагоре со километража до кај 100К максимум, но од се што видов ништо не ме фати за око, не дека нема возила туку ценовно одеа над 22К евра. Разгледував повеќе опции, главни карактеристики што сакав да ги има возилот беа следниве: фамилиарна кола во седан изведба но не преголема зошто живеам во Велес, да биде бензин (не дизел, се изнавозив дизели до сега), да биде со автоматски менувач и горе доле да има некој од поновите технологии.
Facebook ми го слушна муабетот и ми прати реклама за Mazda 3 Sedan, ми изгледаше како добра понуда само имав мала недоумица зошто моторот не е турбо, туку чист атмо.
Отидов до салонот на Mazda во СК, да видам за што станува збор, ја провозив низ СК плус на обиколница и испаднав насмеан до уши. После две (не)преспиени ноќи, истражување на нет и палец горе од жена ми, дадов капар.
Како што и самиот наслов кажува, станува збор за Mazda 3 Sedan 2.5 e-SkyActiv G со 140 коња, 6 степен автоматски менувач, M Hybrid технологија во Machine Gray Metallic изведба, и CENTRE-LINE пакет на опрема.
Од опрема би набројал:
- 18” алуминиумски тркала – темно сиви (215/45/R18)
- Странични огледала и внатрешно со автоматско затемнување
- Автоматски брисачи
- Автоматска двозонска клима
- Целосни LED светла (напред/назад) со автоматско прилагодување, само дневните светла не се LED. Малку чудна (скржава) е оваа одлука на Mazda, мора да се нарачаат матрикс светлата за да се добие Led DRL напред
- Греење на предни седишта и волан
- Паркинг сензори напред/назад и камера за рикверц
- Сензори за мртов агол
- Препознавање на сообраќајни знаци
- Qi бежичен полнач
- Интелигентна поддршка за сопирање во урбани услови
- Паметно отклучување/заклучување без клуч
- 10,25" Централен Инфотејнмент со навигација (Wireless Carplay + Android Auto)
- Head-up display (HUD)
- Адаптивен темпомат
- Lane-Keep Assist (LKA)
- Start/Stop Систем
- Kожен волан со команди
- Одмрзнување на шофершајбната во пределот кај брисачите
До сега имам поминато оклу 700 км, потрошувачката по борд е 7,5 литри. Пробав да направам математика по резервоар и ми испадна 7,34 литри. Дали јас згрешив или ..... небитно.
Како позитивно би набројал неколку работи:
Употребените матерјали во кабината се многу подобри во споредба со конкуренцијата во тој ценовен ранг, внатре е накако премиум како кај поскапите возила, барем јас имам такво чуство. Многу добра изолација, доста е тивко во кабината. Обртаите ги држи на многу ниско, доколку не ја притискаш многу. Head-up дисплејот и информациите кои ми ги покажува се многу корисни. Многу лесно се навикнав на контролите на инфо системот преку централниот команден систем и многу ми се допоѓа решението, зошто не е на тач доколку не поврзеш Carplay или Android Auto, мислам дека BMW имаа такво решение на накој модели. Командите за клима се на копче, што многу ми е згодно тоа. Ако сакаш да не те замара со тит, тит,...... сите звучни сигурносни сигнали се исклучуваат од едно копче, одлишно решение. Aвтоматски менувач е многу тивок и рафиниран, скоро не се ни осеќа кога менува. Инаку е направен од Mazda и се води како Mazda’s 6‑speed SKYACTIV‑Drive automatic transmission (torque converter with a multi‑plate clutch). Исто така неосетно ги гаси или ги пали двата цилиндра, кога крузаш и штеди гориво, ако не гледам во инфо ситемот не ни знам кога го прави тоа. Надворешно ми изгледа многу добро. Имам само позитивно мислење за моторот иако е атмо (не турбо), си влече одлично. Шетав по планини предходниве неколку дена и многу добро прима, нема проблем со угорнини и губење на сила, моето чуство е дека е осетно појак од мојата предходна кола. Има прекидач доле на педалата за гас, па доколку ти треба снага одма, папуча до крај. Многу добро држи на патот, одличен фидбек се добива. И да, прскалките се на самите бришачи, интересно решение.
Како мани до сега што ги приметив би набројал:
Влезот во багажниот простор е мал, зошто не е како пета врата. Високи луѓе може да имаат проблем со место на задната клупа, и нема изведено вентилација за задната клупа. Гумите се терсене димезија и ке бидата скапички. Lane-Keep Assist (LKA) мора да се исклучи на секое повторно палење на колата. Пијано пластиката лесно се гребе (ова што читав на нет), ама веќе го средив тоа со PPF фолија.
За во иднина ке треба да се купат зимски гуми и можеби ке добие керамича заштита (се мислам за ова второво). Исто така во план бев да ги сменам дневните светла со LED, но почна симпатично да ми изгледа со жолтиве светла.
Еве и неколку слики:
