Пред скоро време купив половен Гољф 6, па да го претставам и што до сега сум направил
Немам многу слики моментално. Ќе ставам повеќе наскоро
Мислам дека колата има фул опрема што може да ја има, освен сончев кров.
- DSG
- RNS510
- Камера за рикверц
- Park Assist (сама се паркира паралелно)
- Темпомат
- Сензори напред назад
- Магленки напред назад (cornering активирано)
- Кожни седишта (не ми се допаѓа) со грејачи
- Ретровизори на расклоп со грејачи
- Подесиви седишта (и тоа за lumbar support) и подесив волан
- BiXenon фарови напред, најверојатно aftermarket
Не знам друго што е стандард и што е специфично за овој модел, ама има и „клима“ во glove box, потпирач за рака назад, магленки напред назад, двозонска клима, прскалки на фарови, блутут модул, итн.
Не ми се допаѓа баш како е одржувана претходно. Не е лоша, но не е сјајна. Имав специфични барања при купување на Голфов, мораше да е тој мотор со таа опрема, па ретки се примероците, а од тие што ги видов до сега, овој испадна најдобар примерок. Да имав избор, ќе ја земев истава кола со истата опрема, само без кожни седишта. И нормално, со позната историја.
Моментално има 222 222km, но претпоставувам дека има минимумм 333к. Не е позната историјата
- Одма после купување, сменети се гуртни, мажентни, и слични ситници.
- Направен сервис со Liqui Moly улје, и сите филтри. Старите филтри беа ужасни, најверојатно ретко променети. Филтерот за клима во кабина многу ретко сменет. Исто и филтерот за гориво. После промената на филтерот за кабина, многу помалку се замаглуваат прозорите од внатре. Во работата на моторот не можам да забележам разлика после сервисот. Ок беше и претходно и сега.
- Купен втор сет челични бандажи 16" и зимски гуми. Оригиналниот сет бандажи беше алуминиумски.
- Бузерот за паркинг сензорите назад се расипа првиот ден, па успат се расипа и Парк Асистот. Додека стаса бузерот од алиекспрес, ставен е отпорник на негово место. Се среди тој проблем, иако моментално немам звуци за задните сензори. Нема од каде во МК да купам бузер.
- Даваше повеќе грешки за сијалички, мислев дека е заради афтермаркет BiXenon фаровите. Испадна дека при ставање на сијаличката за магла назад, претходните газди го извиткале пинот/контактот на сијаличката скроз. Некогаш ми покажува ерор за сијаличката за таблиците назад, но гледам дека работат. Моментално не покажува никаква грешка.
- Радиото немаше никој друг јазик освен Германски. Му ставив понов Firmware и понови мапи, сега има Англиски и се работи добро.
- Ножната кочница беше многу „осетлива“ и јако кочеше. Откако се смени Brake Assist од (0-stock на 1), кочницата ми работи нормално.
- Колата имаше затемнети стакла и напред и назад. Ги извадив сите фолии. Задните стакла фабрички биле затемнети веќе.
- Порачани се лед светла, ќе ги сменам сите од обични жолти во ЛЕД во кабина и кај табличките.
- Левиот жмигавец и puddle light на ретровизорот не работеa. Бил изваден кабелот/пинот внатре во него. Сега работи, но и двата ретровизори се искршени кај жмигавецот. Сигурно ќе треба и двата да се сменат во иднина.
Тоа е се од „решените“ проблеми.
Овие ми се Pending проблеми, би било супер ако имате совети:
- Имаше повеќе литри вода кај резервната гума. Водата беше чиста, бистра. Не сум сигурен од каде е. Познат проблем е кај Голф 6 и 7. Може да е од цревото од капакот кај камерата што оди до доле, може да е од штоповите, и од клапните назад. Сеуште не сум нашол од каде доаѓа водата и не можам да најдам. Откако ја исчистив, пробував со шише вода и после дожд и после перење, не најдов пак вода. Дали е можно да му се истурило вода на претходниот газда таму и да не му е гајле за да провери да види дека има вода?
- Се слуша тропање од време на време од замаецот додека е паркирана или во лер. Не сум сигурен до кога да чекам за да го променам бидејќи е скап зафат. Мајстори ме советуваат дека е океј и може да се вози вака. Што мислите вие? Дали да ја возам додека не почне почесто да тропа или додека не се расипе тотално?
- Парното не дуваше топло од десна страна. Ја однесов на мајстори, го „исчистија“ казанчето за парно со обични црева, компресор, и средство. Не машински. Малку се подобри, но сеуште не е добро. Сега мислам дека рандом некогаш дува топло само од лева страна, некогаш само од средина, итн. Претпоставувам дека клапни се проблем во овој случај, но ќе видиме. Можеби на некој ќе му биде корисно видеово за калибрирање/ресетирање на клапни
https://www.youtube.com/watch?v=r38l1lCoTF4- Двапати до сега ми се појави DPF сијаличката. Се изгаси откако ја извозев на автопат, но ако често се затнува ДПФот или често бара регенерации, прво планирам да го исчистат механички, па ако не се среди проблемот, ќе ги исклучам софтверски ДПФ и ЕГР. Ауспухот е црн, нечист.
- Не пали од прва при прво палење на ладно. Од втора пали. Кога е загреан моторот и возена колата, пали од прва. Ако го завртам клучот неколку пати, без да верглам, исто пали од прва на ладно. Значи најверојатно е некој грејач или реле за грејачи? На дијагностика даде проблем со релето за грејачи. Дали релето е 6-7000 денари? Мислев дека би била цената како за „обично“ реле за жмигавци, до 1000.
- На сите врати им треба штелување. Некои тешко се отвараат, многу „лепат“. Некои крцкаат при отварање.
- При возење на поголеми брзини (над 100) се слуша некое тивко зуење или свирење. Тешко е да се опише, но звучи како од некаде да пропушта воздух и да дува колата. Не е гласно, но иритира дека се фокусирам на него и не знам од каде иде
- На CarVertical даде дека е менувано предното ветробранско стакло. Не даде никакви информации за судари.
Не се проблеми, но чекаат на ред:
- Ќе треба да сменам улје во менувачот. Моментално супер си работи и добро ги менува брзините, ама ќе треба и тоа да се направи некогаш.
- Затегач за каиш или комплет каиши да се променат. Не сум сигурен кога и дали ги менувале претходно. Не слушам никакви „лоши“ звуци моментално од нив.
- Да се промени антифризот. Ни тоа не сум сигурен кога и дали го направиле. Сакам тоа да го темпирам со потенцијалната промена на казанчето за парно.
- Да се промени глицеринот. Не знам ни тоа кога и дали е променето.
- Колата ја купив со само еден клуч. Ќе морам да направам копија ASAP.
Драги VW сервисот од Скопје ја провери колата пред да ја купам. Не кажа никакви големи проблеми и ниеден проблем од листава моја на Pending проблеми. Не можев да закажам проверка кај Митревски и Др. Авто, па тоа е што е. Колата е кај мене и ќе ја средам како што треба. Малку се замарам и сакам се да е средено и функционално, па листава на проблеми ми се зголемува. Некогаш ќе мора да се доведе до Одлична состојба.
Слободно прашајте нешто ако ве интересира или ако имате совети. Првпат „претставувам“ кола па не знам што како
