Вчера и денес поминав сѐ на сѐ некои 500 километри, мал дел низ град, најголем дел на отворено и тоа во скоро сите можни временски услови (автопат, планински превои, ме фати пороен дожд, магла, нешто на суво, уште снег што не заврна
), па ај една кратка рецензија да напишам и да споделам импресии.
Прво, колата внатре надвор е скоро како нова. Немам никакви замерки освен кожата на страничниот потпирач на возачкото седиште каде што се влегува/излегува, ама ништо страшно. Останатото е во перфектна состојба.
Од аспект на практичност, на задните седишта има сосема доволно место возрасен човек до кај 180цм висина да седи со простор и за колена и за глава. Јас сум 185цм, со предно седиште во моја возачка позиција имам повеќе од доволно простор за колена, ама за глава треба да легнам малце за да ми е удобно. Да треба, можам без проблем 2 саати да се возам позади. Багажникот повеќе од доволно простор за моите потреби. Има бежично полнење за телефон, блутути мутути сите тие глупости. Во Работи што кога ќе седнете во колава не ви се воопшто битни
.
Прво палење, звукот што го вади на ладен старт е, со еден збор, страшен. Џабе ОПФи и 2 катализатори, дупло погласен е од 335ката. Плус помалку изолација има внатре, повеќе се осеќа сѐ.
Возењето низ град е нормално. Torque ниско повеќе од доволно, менувачот е прецизен и лесен за користење, плус сам дава гас на отпуштање куплунг во прва, има hill hold, auto rev match, многу лесно за возење. Едино што ме нервира е менувањето од прва во втора, во slave цилиндарот за куплунгот има некој вентил, и треба да почекаш 1 секунда откако ќе смениш брзина пред да отпуштиш куплунг иначе е малце неудобно. Се решава лесно и бесплатно, се вади тој вентил и после тоа нема никаков проблем.
Првото излагање на автопат вчера, фати силен дожд. Заден погон, 400 коњи, 2 и пол години стари Pilot Super Sport. Оставив сѐ во Efficient/Comfort освен воланот, тој во Sport+ за да биде поцврст. При нормално возење на автопат
колава не е ништо понеудобна од многу обични коли во кои што сум се возел. Односно, би одел до степен да речам дека е дури и малку поудобна за возење од 335ката, пошто цело подвозје е дизајнирано да работи заедно. Многу лесна, удобна вожња. Тетово-Гостивар 120 на темпомат ја ставив, и немаше гајле. Презадоволен, без проблем би ја носел на долг пат особено во држави со рамен асфалт.
Чим ја извадив на Стража, таму колава сјае. Грип напред колку сакаш, назад уште повеќе. Вртењето директно, прецизно, колава ти чита мисли кај сакаш да одиш и оди таму, no questions asked. Влажен бил асфалтот? Гајле ѝ е. Body roll - што е тоа? Моторот над 4000 вртежи чим активира VANOS-от ем пее ем влече ненормално скрос до 7600RPM редлајн. Димензиите на колата перфектни, седечката позиција исто така. Кочниците муабет не правиме, 400мм 6 клипа напред, 380мм 4 клипа позади. Одличен фидбек низ педала, многу лесно се контролира.
Рачен менувач е правиот избор за колава. Каков DCT какви глупости...
Јас сум презадоволен. Повеќе од презадоволен уствари, ко мало дете се смеев вчера пошто не ми се веруваше што доживувам. Ова е proper oldschool BMW ///M. Дефинитивно една од најдобрите коли што сум ги возел и би ја рангирал над Е90 М3 во сѐ освен моторот.
Денес официјално зедов и таблици, едвај чекам да ѝ набивам километри.
Толку од мене. Еве ви една слика за кој не му се чита:
