После 14 страни дискусија, да пишам и јас мислење, а и конструктивен пример.
Неколку членови убаво потенцираа каде смее да има M Card наплата, а каде не.
Се сложувам со тоа.
M Card НЕ СМЕЕ да има на M Tag, на таа лента само се намалува брзината и НЕ СЕ ЗАСТАНУВА.
Било кое друго однесување е прекршување на „правилото“ на користење на M Tag.
Тоа што не се пушта лента M Card посебно како порано што се пушташе е проблем кај патарините и нивни одговорни.
За жал во нашата земја како што ништо не функционира, така и ова, немаш каде да се пожалиш.
Е сега со пример.
1. Без разлика дали возиш 30km/h и држиш растојание од 5-10м, потсвесно не очекуваш дека колата пред тебе ќе застане, а шофери има различни кои што од 30 можат во место да закочат и да извадат M Card за наплата, за мене тоа не е прифатливо и јас да нагаѓам што планира шоферот пред мене, па да бидам спремен со нога на кочница и јас да правам нагло кочење.
2. Кога се влегува во лента, првин се прави детекција на категорија, а потоа и наплата, во момент кога ја прави детекцијата и наплата, на екранот добивате информација за успешна наплата со износ и тоа стои активно додека колата не ја помине рампата. Ако случајно ви дојде кола позади, а заради X причина рампата не била крената, мора двете коли да се тргнат односно лентата да биде празна за да почне со нова детекција, инаку системот останува заглавен на таа кола што претходно ја исчитал. Ова е честа ситуација при користење M Card во летните гужви на M Tag лента. Вработен од патарина нема да ви дојде и да го реши проблемот туку не сака ни муабет да ви прави.
3. Може секогаш да го пробате ова и ќе заглавите (патарина Романовце). Прва кола влегува во лента и доаѓа да плати M Card кое што е пред самата рампа, веднаш по неа влегуваат две коли со M Tag. Од тие 2 коли е random која кола ќе ја исчита и наплати ако се многу блиско една до друга, ако има растојание ќе наплати од кола 2, а ќе ја отвори рампата и кола 1 ќе помине без да плати, рампата ќе се спушти и колата 2 со M Tag останува заглавена. За одново исчитување мора да се тргнат сите коли 2,3 од лента, а тие веќе застанале во ред заглавени, па дури и 4 дошла позади. Ова е најголемата причина зошто не смее да се застанува на таа лента, затоа што лошо се рефлектира на системот и наместо да нема гужви, се прави контра ефект.
После ова јас практикувам големо растојание и ако има кола пред мене, воопшто не влегувам во лента, па макар ако треба и ќе застанам. Се додека не видам дека колата ја одминала рампата, тогаш влегувам во лента. Никогаш мака од тогаш со ваков начин на користење.