za do 22000 eur nema izbor golem
Не прифаќај да купиш кола по каталошка цена. Пробај да добиеш попуст. Дури и во најголемиот ек на недостаток на чипови, испорака по година дена, кога цените одеа нагоре од месец во месец, секаде каде отидов успеав да добијам попуст 5-10% на официјалните цени.
Во тој ценовен ранг можеш да погледнеш што нудат од Kia Ceed. Дефинтивно позрела кола од Королата, мултилинк вешање, турбо-мотор, добра изолација, голем гепек. Хечбек по европски вкус. Моментално еден од подобро ценовно позиционирани модели.
Пежо исто така моментално има акција на 2008 по официјални 21.000евра. 1.2 моторот иако е три клипа е со турбо. Тоа е најеластичниот мотор во својата класа, влече уште од ниски вртежи и потрошувачката му е поволна, околу 6 литри. Со тоа имај во обзир и дека сервисот за 1.2 PureTech е 5000ден, за 1.5 TSI е 15.000ден. 2008 нуди и најмногу простор/гепек во својот сегмент, а и деловите се доста поефтини и од Шкода и од Тојота.
Ако стриктно бираш од двата споменати модела од првиот пост јас би избрал Шкода, највеќе поради погонот и звучната изолација. 1.5 ТСИ е нешто најдобро што може да се добие во тој ценовен ранг. Моќен, еластичен, економичен, рафиниран.
Го пробав новиот Сид скоро - супер се движи, удобен, но беше бучен на отворено - и тоа се слуша патот, а не ветрот. Во однос на цената, немаат мануелец на лагер, така што аутоматикот е околу 27.000 ЕУР.
Од Шкодите, би ја погледнал и Скалата, ако веќе Октавијата не е во опција. Имаат исти материјали во внатрешноста, за некој сантим подолга е, но има 470 литри багажник и подобра потрошувачка.
