При високи вртежи моторот е неподносливо гласен внетре. Без гас, на пример на надолнина с моторно кочење не се седи над 4000. Од друга страна со отворени прозори звукот е подобар (спортски).
Возилото е превисоко, посебно позади. Треба да се спушти поприлично за да заличи. Ова не е предмет на дискусија, задолжително е.
Моторот е добар. Но, мислам дека со оваа цена требало да се додадат барем некои ситни моменти како стартстоп, микрохибрид старт (електромоторче 0-1200рпм), ем ќе ја намалат потрошњата на градско возило, ем даваат дојам дека некој се потрудил да си во тек со технологијата.
Нема копче за гасење на TCS/ESP, страшно те укочува тоа.
Сити мод за лесен волан е добар. Но, не памти дека си го уклучил кога ќе ја изгасиш колата и треба да го палиш наново. Поарно ич да не го ставале копчето ако треба да го палам на секое влагање. Глупости, треба да си памти.
Титкалото за каиш е пристојно, но и напорно. Во ред потсетиме дека треба каиш, па остај 10 секунди пауза па пак потсети. Немора да ти титка во мозок додека не ставиш. Или да се стиша барем.
Многу добра возачка позиција, многу интересно за возење, убави команди, добар волан, добри седишта, добро радио. Откога ќе се спушти ќе има и добри возни карактеристики.
Има небо на таванот. Можеби таму стои панорамски покрив? Весело е.
Многу тешко се излегува од вратите зошто се големи. Но затоа имаат добра странична прегледност. Задна прегледност е лоша заради големите пилари.
Седиштата се бели и испрљани после 800км возење. На што ли ќе личат после 30.000км? Да се избегне белиот ентериер.
Колата е многу добро градско возилце за исклучиво два патника и ниту еден повеќе. Освен микро деца позади. Вреди да се дадат 10.000еур на ново, да имаше интересни системи за заштеда на гориво можеби и 11.000 стартстопови и слични ствари. Микрохибрид и гасење цилиндри и пет тактен мотор може и ќе се истрпи 14.000еур.
Ружноста му доаѓа од висината позади - според мене. Го убива висината во поим. Среќа тоа се коригира, другото е ствар укуса. Цената е ретардирана.
