Мартинчо има многу валидни поенти.
Да, се слагам дека OPC линијата на возила е одлична. И Corsa, и Astra, и Insignia OPC ем изгледаат одлично, ем се импресивно брзи и способни возила.
Арно ама, OPC не може да биде носечки продукт на Opel. Колку се вклучува OPC во вкупната продажба? 1%?
Значи, OPC линијата е одлична, меѓутоа остатокот од продуктите се просечни-накај-подпросечни-накај-срање. И да се разбереме, ова не е напад кон Opel. Ова е жалната реалност и искрена надеж дека ќе ги оправат работите. Искрено се надевам бидејќи го сакам и почитувам Opel како бренд.
Меѓутоа, во моментов Opel нуди продукти кои не го оправдуваат името. Неколку пати и јас сум рекол, а гледам дека и има луѓе што се слагаат со мене - Opel треба да се концентрира на три core продукти и да ги направи одлични, па тек после тоа да си игра играчки со други, niche-модели. Треба Corsa, Astra & Insignia да бидат меѓу самиот врв во класата и да се продаваат доволно за Opel да стои на нозе за да можат да си играат со други модели. Во моментов, модели кои се ексклузивно на Opel се Adam, Corsa, Astra, Insignia, Zafira, Meriva и Cascada. Agila, Ampera, Antara,Combo, Movaro, Vivaro и Mokka се ребрендирани возила од други производители. Да не праиме муабет за моментот дека самите си го рушат брендот со „Classic“ моделите.
Па и уште храброста да конкурираат со Audi, Mercedes и BMW. Ок, секоја чест на храброста, ама нема да успеат. Можеби Каскадата е конкурентна (а не е) со соодветните модели на тие брендови, ама се сведува на следниот муабет - фраер упознава цура, цурата го прашува „Уот ду ју драјв бе јебодром?“ и он и вика „Опел“ наместо „Ауди“ или „Мерцедес“ или „БМВ“. Yeah, thought so. Се знае кој е премиум бренд.
Тоа што му треба на Opel е тоа што им се случи на Ford и на GM во Америка - сериозно, сериозно кратење на моделската понуда. Концентрација на грст core продукти во кои ќе бидат вложени сите сили, талент, знаење, експертиза и искуство кои Opel ги има (а ги има, да бидеме реални) и тие продукти да бидат одлични. Им треба оттргнување од „ќарени“ продукти од Suzuki и Fiat. Opel нема остварено профит 15 години. Не само што нема остварено профит, него има направено некои си 15 милијарди евра загуби.
Не се прават 15 милијарди евра загуби ако имаш добри продукти кои луѓето ќе ги купуваат. Продолжете да го гледате Opel низ розеви очила колку сакате, факт е дека таму нештата се повеќе од трули.
Понатаму - политиката на Opel за имање до четири импортери по земја (особено мали земји) е самоубиствена - четири импортери се борат за истиот пазар, спуштаат гаќи за нешто да успеат да продадат, никакви профитни маргини, никаков раст. Пред некој ден бевме на промоција на еден од импотерите на Опел, се пофалија (се ПОФАЛИЈА ЕЈ!) дека најголемиот fleet купувач купил дури 10 Opel флотни возила. Wow.
Значи.. Не е хејт спрема Опел. Напротив, добронамерно размислување во насока на подобрување на работите.
