Здраво дечки. Јас сум Иван од Скопје, нов на форумов како член, но како гостин имам прочитано многу теми, совети, препораки и расправии
Не сум мајстор, ниту голем зналац, ниту работам сам на возилата, но сум ентузијаст секогаш заинтересиран за теми од автомото спортот и индустријата.
Би сакал да го преставам своето возило кое сметам дека е интересно во однос на надградбите кои ги направив. Замислата ми беше комплетна каросериска конверзија од стандард Голф МК6 во GTI издание и тјунинг на моторот во насока да биде, популарно форумски кажано, GTI class killer.
Купено во Porsche MK, 2010г, VW Голф MK6 1.4tsi, тип EA111 (CAVA), 160hp, Highline опрема, спортска суспензија потврда и пониска за 15мм од стандард.
Моторот има добиено повеќе награди и признанија своевремено, но во пракса тоа и не е баш докажано односно сосема спротивното барем од искуствата што ги имам слушнато и прочитано од сопственици на истиот модел и од свои секако. Проблем со клипови, ланче, водна пумпа, поголемо загревање итн. На 100.000км променет е целиот сет ланец со варијатор и еден изгорен вентил и внесена последна софтверска измена. Од тогаш проблемот со ланчето е надминат и од тој момент започнав со реализирање на идеата за конверзија на возилото.
Во прилог подолу листа на сите купени и инсталирани делови.
Скопје - Комплет GTI body kit (без заден спојлер) од Autolux Скопје
- Заден спојлер од Protuning (Литванија)
- GTI беџови (NK Automotive, GR)
- K&N 57S-9501 Performance Airbox од Carmax Скопје
- Downpipe 65мм од RM Motors (Полска)
- Спирали Eibach Sportline E20-85-014-01-22 / -40мм/-30мм од Аутоцентар Струмица
- Заден лонец Asso Racing од Ас-Стил Скопје
- Редовен сервис на 7-8000км, масло Castrol Long Life Edge 5w40
- Short shifter Sigma5 (DieselGeek, USA) - Не е монтиран механизмот, договорено со Амел, по препорака во друга тема каде што го поставив прашањето.
- Гуми Sava Intesa UHP2 (летни 225/40) на пролет ќе бидат заменети со Michelin Pilot Sport, Sava Eskimo HP2 (зимски 225/40)
Солун - RTMG Hybrid Turbocharger 360RS + new stiffer wastegate
- RTMG Blow off valve
- RTMG Turbo hose
- Audi S3 Front mount Intercooler
- Audi R8 Ignition coil kit
- NGK BKR7EIX Spark Plugs
- Boost gauge Prospeed
- RTMG Stage3 custom Map
Резултат: 268hp@6500rpm, 342nm@4900rpm, Boost@1.6bar, (гориво Shell V-Power), rev lim: 7250rpm
Резултатот ќе беше и повисок, но ограничување според дечките од сервисот е горивото кое според нив е 93 октани.
Во Скопје точам бензин исклучиво на Макпетрол Race Pro 100 (не знам колку октани е), имам субјективно чувство дека има повеќе снага отколку во Грција кога стискав.
Досега поминати 25000км без грешки на компјутер во сервис, но во неколку наврати (2-3 пати до сега) при цедење на моторот (преку 5000rpm) во вожња почнува да трепка check engine и се испостави дека бензинската пумпа за висок притисок не постигнува доволно. Моментално нарачана нова бензинска пумпа од Loba Motorsport HP14 па се надевам ќе се реши проблемот (ќе направам update на темава).
Катализатор и среден лонец извадени. Тail pipes 90мм. Звукот ежење, искрено не очекував таков моќен и спортски звук од 1.4 мотор.
Во март/април следна година, комплет фарбање и средување фелни.
Во прилог повеќе рандом слики.
