Пред да почнам со темава, ако има слична, администрација нека ја спои или премести.
Многу често гледам дека помлади возачи многу погрешно ракуваат со возилото. Односно почнувајќи од лошо седење, лошо подесени ретровизори, како внатрешни така и надворешни, лошо држење на вуправувачот, да не речам воланот, рака на менувач подолго одошто е потребно, држење на волан со една рака во лоша положба итн итн. Се ова влијае на стабилноста и константноста при возењето, а исто така може да има влијание и во безбедноста.
Еве јас ке почнам од воланот. Со тек на времето се менуваат правила и прописи, начини на управување се со цел да се зголеми безбедноста и управливоста на возилата.
Во мое време, далечната 1995 кога полагав и кога добив обука од инструкторот, прво нешто кое што ми беше нагласено беше држењето на воланот и рацете.
Воланот треба со левата рака да се држи во делот од 10-11 часот, а со десната околу 4, се разбира кога не е на менувач.
Раката на менувач се става само доколку се менуваат брзини, а потоа се враќа на волан. Правилното држење на воланот е од огромно значење во управувањето на ПМВ.
Денес гледам дека има сменето некој од правилата, односно се вели дека држењето на воланот треба да е на 9 и 3, по средноевропско време
Ноооо, доколку имаме потреба од возење кога треба да се користат двете раце, односно едната на менувачот, а другата на волан, тогаш мислам дека многу поголема управливост и простор за маневрирање имаме кога раката би ни била поставена од 10 до 11, него ли на 9.
Единствено најмногу ме нервира кога возачите ги поставувааат рацете на 12, и тоа двете или пак на 11 и 1. Можете да приметите дека во овој случај возилото постојано го менува правецот на движење лево десно, а возачот се уморува за многу кратко време и станува нервозен, со што директно е засегната безбедноста во сообраќајот.
Кои се вашите видувања во врска со ова
