Зимски гуми

[Дибидус]

Линк од новиот Закон за безбедност на сообраќајот на патиштата]

Ако имаш зимски гуми не ти требаат ланци.

[SaleSk]

Божееее, законов е скроз различен од тој претходниот.

[achtung]

И минатата година беше истото правило.

[AllMightyMe]

Линк од новиот Закон за безбедност на сообраќајот на патиштата]

Ако имаш зимски гуми не ти требаат ланци.

Но тоа не значи дека ако пример падне многу снег на Маврово, полицијата да нема право да не те пропушти без ланци на погонски тркала.

[masterwu]

Линк од новиот Закон за безбедност на сообраќајот на патиштата]

Ако имаш зимски гуми не ти требаат ланци.

Фала за линкот. Стварно скроз различен е законот. Не успеав да најдам што фактички содржи зимската опрема, туку само дека е задолжителна од 15 ноември до 15 март и казната доколку немаш зимска опрема . CTRL + F не помогна многу.

[Дибидус]

Еве што се подразбира под зимска опрема согласно Правилникот за задолжителна опрема на возилото

1.9 Зимска опрема
Член 11
(1) Како зимска опрема на моторни возила со најголема дозволена маса која не надминува 3.500 kg се подразбира:
- зимски пневматици на сите тркала, со минимална длабочината на шарите на слојот што гази по обем и широчина, од четири mm.
- пневматици со летен профил на сите тркала со длабочината на шарите на слојот што гази по обем и широчина, со минимум од најмалку четири mm. ако возилото во приборот има синџири за снег со адекватна големина за погонските тркала или други соодветни помагала.
(2) Како зимска опрема за моторни возилата со погона на четири тркала (4 х 4) се подразбира:
- зимски пневматици на сите тркала, со минимална длабочината на шарите на слојот што гази по обем и широчина, од шест mm.
- пневматици со летен профил на сите тркала со длабочината на шарите на слојот што гази по обем и широчина, со минимум од најмалку четири mm. ако возилото во приборот има синџири за снег, и во случајот кога имаат постојан погон, синџири за снег треба да имаат најмалку за задната осовина, а во случај на преклоплив погон, синџири за снег треба да имаат најмалку на постојано вклучената осовина.
 (3) Како зимска опрема на моторни возила со најголема дозволена маса која надминува 3.500 kg се подразбира:
- зимски пневматици на погонските тркала со минимална длабочината на шарите на слојот што гази, по обем и широчина, од шест mm.
- пневматици со летен профил на сите тркала со длабочината на шарите на слојот што гази, по обем и широчина, со минимум од четири mm. ако возилото во приборот има синџири за снег со адекватна големина за погонските тркала или други соодветни помагала.
- автобуси и товарни моторни возила кои поради технички причини не можат да постават синџири за снег на погонските тркала треба да имаат зимски пневматици на погонските тркала, и
- прирачен алат – лопата.
 (4) Зимски пневматици се оние пневматици кои на својата бочна страна имаат ознака: „MS“, „M+S“, „M&S“ и знак на снегулка на стилизирана планина со три врва.
(5) Во согласност со овој правилник, во патниот сообраќај на возилата не се поставуваат пневматици со клинци.

[Tischläufer]

Зборот "погонските"  треба трајно да го избришат од законот.

[Deni]

И на кои тркала ќе ставиш ланци тогаш?

[DarthJe5us]

Јас би рекол зборот пневматици дека треба да исчезне од македонскиот јазик.

[Vlado_78]

"Како зимска опрема за моторни возилата со погона на четири тркала (4 х 4) се подразбира:
- зимски пневматици на сите тркала, со минимална длабочината на шарите на слојот што гази по обем и широчина, од шест mm."
Имам една дилема околу толкување на законов...
Дали ова 4x4 се однесува за SUV-теренци или се однесува и на коли како Ауди А4 quattro и другите (4motion,X-Drive....) седан-хечбек регуларни возила кои се наменети за возење на асфалт

[Deni]

На сите возила со 4х4 како што пишува.

[Vlado_78]

Ми нема логика да мора да имаат регуларни коли кои се на погон на сите тркала  (НЕ Теренци!!!) 2мм подлабока шара на гумите од оние кои се на погон на две тркала... Баш овие возила со истите гуми треба да се однесуваат во зимски услови мноooгу подобро во однос на обичните на преден/заден погон....
Ако се работи за теренски возила, ДА има логика, пошто и онака шарата на тие типови на гуми и фабрички е подлабока, но за коли кои се наменети за на асфалт стварно мислaм дека нема логика да важи мин. 6мм шара  

[Simo - Carrier159]

Не барајте логика во Закони.

[Tischläufer]

И на кои тркала ќе ставиш ланци тогаш?

На резервните ебаго, на кои

[Дибидус]

Гледајте од светлата страна на сево ова. Жацовци кога запираат бараат да видат дали возилото ја има пропишаната зимска опрема, т.е во скоро секогаш бараат да видат возило со зимски гуми или летни гуми и ланци. Не се замараат тие со мерење на длабочина на шара на гума освен ако не е апла излижана гумата, спремна за нордиско скијање. Тоа 4х4 кај нив во нивниот ментален склоп се однесува на теренски возила за кои исто пак ќе кажам битно им е да им се сите 4 гуми зимски.