Тука сме да разменуваме мислења, и уште поважно, искуства со закони, полиција, коли, итн. Не ми е поентата да се расправам со тебе, а уште помалку да докажам дека си грешка, затоа што не си, туку да ти го дообјаснам хаосот, во кој покрај сувото, страда и суровото (затоа што навистина има луѓе од Македонија кои живеат и работат во Бугарија па ги имаат истите проблеми заради другите).
Сале, граница може странец од ЕУ да ја помине и со лична карта. Нема да му удрат никаде печат. Влез и излез од РМ (ако си и македонски државјанин) може само со македонски пасош. МВР има во евиденција кој со какви патни исправи патува/патувал.
Затоа, определувањето, кој како кога влегол во Македонија е малце тешко да се утврди и ако нема основано сомнение за извршено кривично дело, не може туку така да провери кога и како имаш влезено во РМ. Но, се разбира, истиот тој кур-ташак хаос калакурница кој дозволува глупости, може да ја дозволи и таа екстремна глупост. Да те носат во станица, да земаат налог за да проверат кога имаш влезено/излезено во РМ.
Друго, на влез/излез од држава можат на било кој да му го накалемат возилото. И на сопственикот, и на невестата, и на некој трет. Што некои полицајци го прават. Мене лично ме имаат прашувано на граница за кола на другар, затоа што пред неколку месеци полицаецот ја закачил на мој влез/излез.
Второ, ако си одјавен од МВР како привремено исселен, ти не мора на секој влез/излез да правиш пријава одјава. Кога си на територијата на македонија, ти си сеуште Македонец, ама гостин. Друго, сообраќаен полицаец не знам дали ги има истите права и надлежности како обичен полицаец (Тука Дибидус како поупатен може да разјасни). Не знам дали имаат исти права и задолженија како службени лица.
Имам јас искуство и во Бугарија со Македонски таблици на подолг период. Иако се најскапаната ЕУ држава, досега немало полицаец кој се правел шериф. Секогаш било културно и на ниво. Сакаа да ме проверат за влез-излез и си повикаа гранична полиција. Дојде граничарот, провери и кажа среќен пат.
Ако те запрат во Бугарија со бугарска кола, македонска дозвола, треба да ти е средено привременото живеалиште/адреса да биде надвор од Бугарија (во Македонија). Ако не е така, ако имаш државјанство/жителство повеќе од шест месеци, кркаш казна како да немаш дозвола. Македонија и Бугарија имаат потпишано договор за взаемно признавање на дозволите, но треба да си го запазиш рокот од шест месеци после промена на живеалиште. Кое накратко значи, ако навистина живееш во БГ, треба да имаш БГ возачка дозвола. Ако живееш во МК(по документи) треба да имаш МК возачка. Но ако живееш во МК, значи не си времено исселен. А ако не си времено исселен, свесно извршуваш царински прекршок со возење кола на БГ табли.
Друго, многу од тие што возат на бугарски табли, не се одјавени од Македонија како привремено исселени, затоа што ако се пријават како такви, ќе немаат право да работат во Македонија (а особено не во државна администрација).
Конкретно за колите и запленетите коли:
Многу од Македонците ги возат колите со полномошно, за избегнување на данок во БГ, за пониска регистрација, заради несредени документи, итн. И таквите коли се возат со некомплетна документација (бугарската сообраќајна е од два дела, мал и голем).
Таквите возила МВР ги запленува по налог на Царина, додека не се најде кој ја има увезено/внесено во РМ. Најмногу што може е да си плати царински прекршок и да ја изнесе колата од Македонија. Но, нашите со големиот дел од сообраќајната, ја одјавуваат од Бугарија, и после виси на терминал/во полиција/чека некое јавно наддавање да се продаде за делови.
Последно, едно време Царината воведе нешто-како-контрола за влез-излез на коли со странски таблички (читај бугарски). Не пуштаа никој да влезе од Бугарија во МК, од македонците. Ама буквално никој (освен дипломати, се разбира). Па имаше километарски колони на границата кај Ново Село, па некој се пожали дека тоа е ограничување на движење, итн, па летнаа неколку пријави за дискриминација, непуштање/штотизнам, и се осетија нашите оти прават нелегални глупости.
пс. Брат ми живееше околу две-три години во Софија, па секое минување на граница/запирање полиција беше доживување само за себе.
