Кола се вози како што му е удобно на возачот, т.е. во позиција во која најмалку страда од умор. Вертикален 'рбет можда ти помага тебе, мене ми помага што полегнат да бидам. Нема тука правила.
Actually, не си скроз во право. Не е само комоција во прашање, туку во игра се и безбедност и уште неколку параметри. Вертикален 'рбет не е баш наааајправилно, ама не ни лежење. Ако мислиш дека лежење ти е „комотно“, тоа е само пошто си навикнат така. Седи правилно во кола пола саат и ќе видиш колку е покомотно и полесно, особено на подолги релации.
Најправилно и најергономски седиш ако грбот ти е под агол од околу 100-110 степени. 90 е стварно некомотно.
1. Бутни го гзот наназад колку што може кон наслонот.
2. Оддалечи го седиштето наназад за нозете да ти бидат под агол. Никако скроз исправени нозе. *1
3. Воланот се држи на 9 и 3. *2
4. Подесувај го воланот и наслонот за да ги држиш рацете под мал агол од страна, односно зглобовите да можат да ти го допрат горниот дел од воланот без напор и рамењата да го допираат наслонот позади. Наслонот треба да биде некаде меѓу 90 и 110 степени. *3
5. Правилна висина на седење - начелното правило е да имаш околу една тупаница простор меѓу главата и кровот.
*1. Нозете треба да се подвиткани, за да можеш правилно и целосно да ги стиснеш педалите, и ради безбедност. Ако во нормално седење ти се скроз исправени, нема да имаш доволно сила скроз да ја стиснеш педалата за кочница во итен случај. Дополнително, ако (не-дај-боже) имаш некаква незгода, и нозете ти се скроз прави, нема да може да се апсорбира дел од ударот и многу полесно ќе скршиш некоја коска во нозете.
*2. Воланот се држи (правилно) на 9 и 3. Во оваа позиција имаш најголем range of motion со двете раце истовремено, дури и при нагли маневри. Дополнително, ако (повторно, не-дај-боже) треба да се отвори ербег, го има просторот директно пред тебе. Ако возиш со една рака горе на волан (ко што возам јас рецимо, јебига, навика, знам дека не е правилно), и се отвори ербег, ќе те тресне раката во глава.
*3. Види 1, истиот принцип.
Не се седи ниту предалеку, ниту преблиску до воланот. Преблиску седат огромен процент од жените што ги гледам низ сообраќај, и уште се подподигнуваат на воланот за подобро да гледаат. Ова е неправилно и опасно, особено ако треба да се отвори ербег. Луѓе страдаат заради тоа што седат преблиску до ербегот. Тоа значи дека седиштето не е доволно високо. Ако нема опција за подигање нагоре, тогаш перниче му е мајката.
