Не беше тешко да се заклучи дека најсилната Astra ќе биде атрактивен автомобил но, сепак се стравуваше дека екипата на Opel може и да претера...
Сепак, стравовите не се остварија и затоа пред нас се наоѓа потполно новата Astra OPC којa изгледа подобро од било кога.
Земајќи го во предвид фактот дека станува збор за спортски автомобил, инженерите во Opel многу повеќе внимание им посветиле на перформансите.
Во Astra OPC се подобрени шасијата и кочниците, а со системот FlexRide сега ќе може да се прилагодува управувачот, испуштањето на гасовите како и крутоста на преносот и тоа во три режими на работа – Normal, Sport и OPC.
Шлагот на тортата е моторот – дволитарскиот мотор со четири цилиндри и турбо полнење со 280 КС и 400 Nm вртежен момент им ја пренесува силата на предните тркала преку шестбрзинскиот рачен менувач и механички диференцијал со ограничено пролизгување.
Од Opel не го соопштуваат податокот за забрзувањето на овој автомобил од 0 до 100 km/ч но, затоа пак, познато е дека Astra OPC како од шега достигнува и 250 km/ч.
Цената и датумот на пуштањето во продажба засега остануваат непознати.
Извор:
http://tocka.com.mk/index7.php?ID=53922
