Секој си го знае неговиот есап и вредности за живеење во странство/Македонија.
Да нафрлам некои бројки само, за АјТИ конкретно.
1500-1600 евра нето плата во Македонија за позиција е еквивалентна по куповна моќ од околу 3500-3600 евра нето плата во Германија. Бруто му доаѓа околу 6600-6800 евра ако си неженет или женет даночна класа 4. Помножи со 12 добиваш бруто плата од околу 75 000 евра. Јас едно знам, 75 000 евра бруто плата не добиваш туку така во Германија, па дури ни во АјТи/Инженерски сектор.
Кога ќе се замислам 1500-1600 евра нето плата и во Македонија не добиваш туку така во АјТи сектор.
А за тоа дека немало живот и дружење во тие земји е најголемата глупост што ја имам слушнато. Најчесто нема безсмислено денгубење, размерување улици и дремење до бесвест во кафич на сред бел работен ден. Тоа мене лично и во Македонија никогаш не ме привлекувало. Ама прашање на вкус е.
Друга работа е што македонското општество е настроено на тој начин што млад човек дури и со добра плата сите пари си ги есапи за негови, а за голем дел од работите сеуште се грижат родителите (особено со исхрана и режиски трошоци). Кога се ќе падне на сопствен грб вклучително и живеалиштето и сите негови пропратни трошоци, 1500 евра и не се така многу.
