Удри бриго на весеље... т.е. на работа.
Мал апдејт на она што е ново од последен пат, генерално се работеше на моторот, се чистеа периферните делови и се местеа стварите по него да се види дали нешто фали, што треба да се промени и слично.
Се чистеа држачи за алтернатор, клима и серво пумпа. Во процедура влегоа и алтернаторот, компресорот од климата и серво пумпата исто така.
Како што спомнав, се склопи пробно да видиме дали се е во ред:
Следно во план е сите метални држачи да се однесат на хромирање, додека алуминиумските да се исполираат (па ќе одлучам дали алуминиумот ќе остане полиран или ќе се фарба за заштита).
Набавен е и сет ребраст каиш и затегачи, заедно со нова пумпа и куќиште за водна пумпа оти на старото се скинаа штрафовите и ново кулерче за маслото.
И гледајќи ги сликите ми текна дека заборавив да купам термостат
П.С. додека се работи на двојката ова е моето ново возило:
Голф 3 ВР6 со 2.8 мотор, произведен 1995 година. Она што ми е најмногу мерак е дека стои гарантниот лист кога е купен од Салон во Швајцарија, стои прирачникот за колата нов не пипнат и целата сервисна историја. Бонус, во багажник го најдов оригиналниот алат со колата
