Ако ја оставиме естетиката настрана, делумно заради белата боја од една страна, и распределбата на линиите на задницата ќе може да се подискутира за помалите маани на возилото.
Ова возило има за нијанса подобар багажен простор од седанот, пред се во достапноста на просторот од горната страна на багажникот, но затоа пак губи доста на аеродинамика (0.26, а ЦЛА 0.23). Предниот погон останува проблем на возилото кое носи значка на Мерцедес. Со тоа самото возење на „мерцедес“ е веродостојно само на право и со меки и нежни забрзувања. Но во моментот кога ќе дојде кривината, а знакот на воланот е трокрака ѕвезда се очекува динамика и разиграност на газот под гас. А резултатот е разочарувачки и очекуван од преден погон. Со разочарувањето се губи насмевката која ја дал добриот ентериер, и се враќаме во реалноста каде се соочуваме со фактот дека сме немале пари за Ц (или Е) класа, па сме се задоволиле со најефтиното што на изглед личи на нив.
Јас од овие А, ЦЛА, ЦЛАШБ, коли со мерцедес ентериери би ги подредил во некоја ваква листа каде А класата е најгоре, па потоа ЦЛА и веднаш под него ЦЛАШБ.
Навистина има убав енетериер, и заслужува да се пофали комоцијата на предните седишта која ја нуди за релаксирано патување, што и е целта на ваквото 2+2 возило. Секако ако позади седнат повозрасни луѓе ќе мора да си го бутнеш седиштето понапред и да си го нарушиш конфорот.
45000 евра, па и без АМГ пакет е веќе добра сума на возило. Сума која во ниеден можен случај не би ја дал за оваа кола. Ни по грешка значи. Понудата која ја има по светов за оваа цена не е мала туку е огромна. Значи ова е врста на кола како Фокус Седан, Волксваген Џета, Ауди А3 и сличните на нив. Премиум варијанта секако. A цената е далеку над овие. Поентата кога ќе се каже дека Мерцедес е „подобра марка од овие“ не држи вода во случајов, зошто овие мерцедеси се со преден погон. Значи се наполно компаративни. Ценовни конкуренти би дошле Пасат ЦЦ, со 170кс рецимо и кожи и аутоматици, простор, луксуз, комоција (не 2+2 туку 4)...
