Моментално
најефтиниот хибрид кој се нуди на пазарот кај нас. Во цена не е многу далеку од дизел верзиите на коли слични како Инсајт. Конечно дојде нормалниот хибрид, кој чини пристојна сума на пари. Приближно 18.900 евра во Македонија.
Полека се добива една реална слика на хибридот во поширокото општество. Овие возила на овој или оној начин стануваат
фраерски. Отстапуваат од оној стандард и пред се имаат поента, како и приказна зад нивното купување. Во убаво издание, со малку труд, како и кај секоја подобра кола може да се добие многу добар изглед, но овојпат и посебен имиџ.
Внатрешноста на возилото е доста стандардна за Хонда и не е многу различна од останатиет. Како и да е квалитетот е на доста високо ниво, иако не највисоко. Знаејќи дека е Хонда, ако ништо друго барем сме сигурни дека нема да има некој проблем во дегледна иднина.
За возење е многу интересна, и нуди еден посебен шмек со електромоторот кој е многу паметно (ефтино решение) закачен како и ЦВТ менувачот. Доста разлика од возењето со мануелен менувач, што може да фрустрира на почеток. Ама тоа ќе помине. Се што треба е да се опуштиш и да го оставиш да си работи.
Комфорот е на пристојно ниво, и нуди сосема доволно. При подолги патувања, коефициентот на отпор посебно помага, правејки го Инсајт вистински крузер.
Големината на возилото, е од средната класа што всушност ја прави блиска до Цивик, а кога подобро ќе размислиме, тоа е одлична кола за во град и за на отворено. Соодветно нејзината употреба заедно со багажникот сличен на Цивик, ќе ја направи комплетно возило кое може да се користи постојано.
Стигнавме до
моторот. Моторот кај инсајт се состои од еден бензински мотор, кој не местото кај замаецот има електромотор. Тоа претставува генијално решение, кое е доволно просто за да биде ефтино, кое е доволно ефикасно за да даде одлични резултати. Секако дека е за нијанса понеефикасно од она кај Приус, но цената е значително (8000 евра) пониска. Како и да е разликата е доста мала. Моторот потегнува од многу ниски вртежи благодарение на електромоторот, и решението со застанување е решено на многу употреблив начин. Всушност моторот комплетно се гаси при застанување, а при тргнување се пали електромоторот, кој ја задвижува колата, а потоа се пали бензинецот. Тоа всушност овозможува да се избегне употреба на бензинецот во моменти на највисока потрошувачка, а тоа е при тргнување. Електронската контрола на вентили овозможува затворање на вентилите од бензинецот во одредени моменти и употреба само на електро мотор. Иако се врти моторот тој додава помалку од 5% на потрошената енергија од батериите, заради затворените вентили.
Големиот број на интересни додатоци ја прават колата интересна во нешшто што не делува интересно на прв поглед. Гаџетите за намалување на потрошувачката ве учат како да потрошите помалку, на интересен начин.
Грешките кои повеќето ги прават во оваа кола е што ја возат на напнат начин со голема доза агресивност, за која таа не е предвидена. Идејата на возилото е да се опуштиш максимално и да се препуштиш на тишината и убавината наоколу.
Прекрасно!
Потрошувачката во рамките на моето возење низ градот беше околу 6,5 литри во град каде Фокусот 1.6 троши 10 литри. А на релаксирано возење низ вечерните часови и растеретени улици околу 4,5 литри, каде фокусот трошеше 7. Просечна потрошувачка беше околу 6 литри на сите поминати километри, во споредба со 9,5 во Фордот. Се на се, напредок во вистинската насока.
