Вчера направив тест возење на отворен пат.
При брзина од 110km/h и некои 2200-2500 вртежи во кабината е исклучително тивко. Единствениот звук што малку се слуша е од моторот кој е доста придушен и неприметлив на оваа брзина, и струењето на воздухот кај горните рабови од ветробранското стакло. Звукот од пневматиците го нема. Не допира до кабина.
Чувството е доста пријатно, и немаш воопшто впечаток дека се возилото се движи со 110km/h.
На 140km/h се слуша моторот значително повеќе од 110km/h бидејќи врти околу 3500 вртежи. Звукот е нормален, не е неподнослив и лесно се покрива со пуштено радио или цд. Звукот од струењето од воздухот незначително се промени односно беше ист како и на 110km/h. Звукот од пневматиците се појавува, но е многу тап и тивок.
Чувството е повторно пријатно, и не чувствуваш амбиент на бука што на подолг пат би те изморила.
На 160km/h веќе почнува да се чувствува значително звукот на моторот бидејќи врти околу 4500 вртежи. Струењето е погласно, звукот од пневматиците е повторно занемарливо тивок.
На 180km/h звукот од моторот е апла присутен во кабина, стуруењето исто така е погласно од звукот на радиото, пневматиците не ги приметувам затоа што другите два звука се по гласни од нив. Но сигурен сум дека и тие шуштат малку повеќе.
На ca.200km/h (ова е со ептен напор постигнато) моторот врти со 5500-6000 вртежи. Ништо не се слушаше, тишина беше бидејќи бев фокусиран да не се залепам у некоја банкина, затоа што имаше страшен бочен ветар и управливоста не беше баш фантастична. Се зафркавам. Инаку на оваа брзина не беше баш пријатно седењето во возилото бидејќи бучавата не беше воопшто нормална за секојдневна употреба
))))
Заклучок. Звучната изолација допринесе возилото да има апсолутно пријатно тивок и пријатен амбиент на брзини до 140km/h. Изолацијата комплетно ги голта звуците од пневматиците и лонецот од издувот во задион дел, струењето на воздухот под возилото и странично не се чувствуваат како претходно. Со други зборови кажано, звукот што колата го даваше при 90km/h сега го има при 140km/h. Значи за иста бука идеш 50km/h побргу.
