Требаше ова да биде пост за убаво... Арно ама, пишувам со горчлив вкус во устата... А тргна убаво...
Денес, после четири години и некој ден откако возилото е кај нас, решив конечно, собрав храброст, да вадам шалт таблата и да го средам парното и плус некои ситници кои би се средиле кога се е отворено.
Воедно, ова е последниот дел од колата кој за овие години не е отворен, претресен, среден, поправен, вратен во функција...
Со тоа, заокружен е проектот...
Да почнам: Пред едно 15 години, менувана е шофершајбната, и, тогаш е вадена таблата не баш најстручно и оштетени се некои носачи на таблата, цела се тресеше, како и местата каде се фиксирани сајлите на парното. Еднаш провизорно го средував тоа, и сега дојде ред да се среди како што треба. Директна причина е тоа што клапната за топло/ладно не се отвара/затвара до крај. Исто, се гледа од сликите дека таблата на едната страна лежи подолу,а на другата стои како што треба:
И,правилно:
Ова го работев сам, но кај мајстор, поради тоа што сам немав храброст, но и достапност на разни алати, совети и помош
Расклопувањето мина без проблем и брзо, сепак проучував по интернет што и како треба
И, кутијата од парното е надвор!
Проблемот е што осовинката е напукната и врти во место, па тоа е поправено на начин штосе заварени два шрафа со главите еден на друг, холшрафот влегува во осовинката, другиот со навој е засечен и е зацврстен на прифатот на сајлата и сега тоа работи како што треба:
Кутијата од парното е исчистена, клапните за топло-ладно и насока наштелувани убаво, вентилаторот подмачкан и сето тоа функционира прекрасно!
И, следеше склопувањето... внимавав на детали околу закачувањето на таблата, да е убаво наместена да не тресе, изработи мајсторот некакви носачи место оние скршените... И се беше супер, а идиотот, т.е. јас, не приметив дека еден сноп жици некако ми се замотал околу долниот дел на стубот од воланот! А мислев да викнам по мајсторот да провери се... но, не викнав...
И, бидејќи не ја обележав позицијата на воланот, мајсторот ми вика оди пробај за да наштелуваме воланот... И, тргнувам, вртам десно, нешто како да ми пука, се крши.... си викам што сум заебал у пм, и колата изгаси после едно 300 метри, моторчето за миење на задното стакло и брисачот работат, и бел чад излегува од таблата пропратено со смрдеа....
Веднаш отворив хауба и ја извадив клемата. Ја истуркавме назад и мајсторот веднаш го пронајде виновникот
Оштетени се 6 жици од снопот, краток спој... и плус жицата од акумулаторот до бравата само во делот од спојот. Ваљда благодарение на брзата реакција, штетата е минимална...
Утре мајсторот ќе ја среди, и школо за друг пат... и горчлив вкус во устата. Сам сум си крив.
