-Десниот брисач оди длабоко лево и не остава линија која капе во средина. Една од работите за која на никој не би му текнало. Полица под воланот за оставање работи. Полица под радиото која перфектно собира Ајфон, искосено поставен за навигација, ем блиску е до упаљачот. Сите полици се прекриени со бајаги дебела гума која се вади за чистење, и што и да ставиш не тропка.
-Тапацир во целиот багажник и секаде внатре, да не се гледа железо никаде. Метални отворачи на вратите, многу ме нервира пластични кога се. Менувач со стакло и никел, нема пластика никаде да допреш. Двојна звучна изолација скоро секаде кај што ми текна да видам. Ни едно можно делче не крцнало никогаш во животот, што ми е мене преокупација. Багажникот се отвора со клуч, за да не си го заборавиш клучот во багажник и да се заклучи, како што ми се деси на друга кола летово и тоа надвор од Македонија. Преубаво плаво-црвено внатрешно осветлување, особено комбинирано со диоди. Целата кола е во тон -плаво црвена. Високопрофилни гуми, а јас ставив и еден број повисоки, на грона граница 2.5 напумпани - за да не се замарам при градско возење. Фиоки под седиштата за ставање на разни работи, кои после одредено време се навикнуваш и стануваат есенцијални.
-Радио на кое се попушта и смалува глас со врталка а НЕ на копче. Исто и промена на песна и фрекфенција се врши со врталка, а не копче. По практично нешто ретко се наоѓа од ова. Електрично задвижувани ЗАДНИ стакла, многу сакам да си отворам прозори рецимо два од десно и да не ми дува, а да има екстремно голем провев. Место за ставање на противпожарен апарат, за да не ти тропа по багажник. Мотор никогаш не затресува. Значи може да стигнеш и на 500 обртаја во некоја кривина, никогаш нема да затресе. Во внатрешноста не се чувствува апсолутно никаква вибрација од моторот, на било колку вртежи. Што откако ќе се навикнеш, разбираш колку значи во комфорот. Нешто по што патам цело време е Тишина. Значи колата е неверојатно тивка. Кога стои не е возможно да се слушне, а внатре до брзини од 70кмч е скоро нечујна. Тоа ептен ми е по кеиф.
-Задните столбови се екстремно тенки и колата има екстремно добра прегледност позади. Многу најјак детал ми е што има жмигавци на ретровизорите, и и од внатре се гледаат кога светкаат. Ова ми го пофалиле преку 15 луѓе, а и мене ептен ми се свиѓа. Има многу убаво капаче над пепељарата и запалката, за да не се гледаат кога нема потреба, а кога е капачето тргнато не се гледа воопшто. Задните наслони во седиштата сметаат и ги извадив одма, ако има потреба ги ставам само тие од страна, а не и средното кое најваќе смета кога гледаш наназад.
-Една круцијална работа за мене е тоа што воланот се подесува по длабочина и ми смета кога нема такво нешто. Кочницата се дозира перфектно, и многу ретко доаѓаш во ситуација да „возиш компири“. Осносно многу удобно се вози во колата и кога не е многу спретен возачот (почетник). Седиштата не се рамни како на повеќето други коли од класата, туку убаво извајани за да те држат одлично. Има место за газот, да не ти се здрвува, како дупка. И има мала лумбална поддршка на 4 седишта. Возењето е навистина удобно.
-Стаклата многу помалку замрзнуваат. Колата ми беше оставена на кеј пред пошта навечер, и како што дувало од реката испозамрзнале сите стакла на сите коли. И се доближувам до мојата и не беше замрзната. Се зачудив како е тоа можно. Следен пат сабајле искачам и на сите комшии замрзнати стаклата, а моите на колата не беа замрзнати. Ептен ми се бендисува тој детал иако не ми е јасен како се случува тоа.
-Лајсните од надвор НЕ се во боја на каросеријата. На другата кола се, односно беа и сега се испогребани од врати, и последно од комбе на буњаковец. Тој проблем не постои. Исто ме имаше закачено некој на паркинг и го извадил целото лајсниче од браникот. Јас го најдов и го вратив назад. Не се познава воопшто, да беше во боја ќе беше испогребано.
Работи што ми пречеле и сум се потрудил да ги средам. Жолти сијалици, сменети со диоди и ксенон. Затемнети стакла, ама ептен малку, колку да добие шмек, не црни ѕифт. Поставено акустичен сунѓер на полицата над багажникот.
Има едно рикверц светло, и тоа е поправливо, само треба да се седне да се направи да бидат две. Изводливо е, и не е многу комплицирано. Тоа е планирано да се направи во иднина. После тоа ме нервира што нема акустичен теписон под хаубата. Тоа обично оди кај дизел возила, па треба да откачам од некој дизел и да го ставам кај мене. Многу кал и прашина се лепи на задната шофершајбна и некако треба да најдам, нешто како калници, некакви. Што не се ружни.
Толку ми текнува.