Ни со една нема да згрешиш, ама за да можеме подобро да ти помогнеме, ќе треба да ни дадеш малку повеќе информации:
- Како планираш да ја возиш колата (на отворено, низ град)?
- Колку километри планираш да поминеш годишно?
Со бензинецот очекувај потрошувачка од околу 8.5 литри во град, со нормално (па и малку дефанзивно) возење. Со дизелчето околу 6.5-7. На отворено со бензинецот околу 7, со дизелот околу 5. Бензинецот е поефтин за сервис и има 6 брзини. Дизелот е нешто поскап за сервисирање и има 5 брзини (ако праиме муабет за мануелен менувач).
TSI бензинците се квалитетни, тивки и издржливи. Не би требало долгорочно да имаш никакви проблеми ни со едниот ни со другиот мотор.
Конверзија на плин е можна, но е скапа и заштедата не е толку голема како кај постарите бензинци без директно вбризгување на гориво. Од друга страна, кога ќе дојде ред да ја продаваш колата, дизелот значително полесно, побрзо и по подобра цена ќе го продадеш.
Октавијата е одлична кола. Сме ја тестирале во две различни варијанти и секогаш оставала максимално позитивен впечаток.
http://www.carclub.mk/2014/05/27/test-skoda-octavia-rs-tdi-ekonomicen-ceski-sportist-so-germanski-geni-i-dizelsko-srce/http://www.carclub.mk/2013/06/20/test-skoda-octavia-1-2-tsi-105-ambition-dominantno-dobra/Edit: Сега гледам дека ги цитираш официјалните цени. Тие сметај ги како сугестија, наместо како конкретна цена и сметај дека може цената да оди значително надоле и кај обете верзии.
