Мицубиши Аутлендер Тиииит
Возилото титка константно. За луѓе со низок притисок е совршено, веќе никогаш нема да треба да се напиете кафе или енергетски напиток, Аутлендер Тиииит ќе ве држи возбудени константно.
1. Кога влегуваш уште не тргнат титка за каиши. За двата.
2. Титка за Лејн Асистнс, и ако го исклучиш пак се пали сам на следно палење кола. Кај нас крајно непрактична работа е лејн асистнс, константно свири.
3. Титка кога палиш круз контрол. Страшно, треба да се обеси тој што го смислил тоа.
4. Титка кога круз контролот кога ќе наиде на кола напред и ќе намали брзина зошто е адаптивен. И пак титка кога ќе си отиде колата.
5. Титка менуваш брзини од Р во Д на пример.
6. Титка кога ќе ја отвориш вратата и е упален.
7. Титка кога врне многу зошто го изгасил FCM, или што и да е.
И тоа голем дел од овие ствари не се гасат, или сами се палат на стартување. Раце ти се тресат од нервоза дур возиш. Старашно. Наместо да нуди едно тивко, мирно место за уживање - глеј.
Идеме понатака. Круз контролот пола од времето не е авејлабл и треба одново да го местиш. Пример: Возиш 150кмч, доаѓа патарина рецимо, гасиш круз контрол седиш во редица, плаќаш и стискаш на копчето за круз контрол и само треба да забрза до 150кмч пак. Е не. Неможе така. Треба ти да убрзаш до неколку, да го упалиш на толку колку што си убрзал, и пак да го наместиш на 150кмч. Ако стиснеш нагоре на копчето за да те врати, 50% од времето ќе отиде до 150кмч, 50% од времето ќе ти рече нот авејлабл. Страшно.
Секогаш кога ќе упалиш круз контрола ти го префрла мењачот од Б во Д положба. Ок... Но ако си бил во Б5 положба, на секое враќање го става во Б3. Не памти во кое Б било. Ај среќа лесно се мести со палките. Ама реалниот човек никогаш нема да го мрдне од Д, нажалост зошто неможе да се замара константно да префрла натаму, наваму. Безвезе.
Понатаму, аудио системот иако е брендиран, е многу boomy. Има сабвуферче во позадината, но свири превисоко и се добива пренагласено преклопување на басот. Мислам дека на брендиран систем, нема потреба да се замарам со такви едноставни работи кои треба да се средени од фабрика.
Клима уредот е гласен. Односно вентилацијата, без разлика дали е со клима или без. На првата цртка веќе се слуша (!!!), на втората веќе е евидентен звукот, нагоре уште повеќе. На волку тивка кола особено забележливо. Јас секогаш на 1 цртка користам вентилација во колите, и обично е тишина секаде. Овде не беше случајот. За да може да ја осетиш тишината на колата во град, и мирот кој треба да го понуди некој електричен автомобил треба скроз да ја исклучиш вентилацијата. Некако мислам дека ова лесно можело да се избегне. Несмее да се слуша првата цртка, глупо е.
Системот за електричните мотори е совршен. Ова треба да го има секоја кола. Електричните мотори се тивки и за мерак. Се полнат за 8 саати на нашиве штекери. Тишина, мир, разбраност. Додека има батерија, моторот не се пали воопшто. Нема потреба. Потрошња 0л/100км. Милина. И пред се тишина. Барем од моторот. Изолацијата е под просечна за 42.000 евра кола, но ете така смислиле. Ова е она кое сите мислам дека го сакаат.
Седиштата не се сјајни. Прво се мали и не се доволно ни високи ни широки. Но за среќа возачкото седиште се легнува. Комплет сосе долниот дел како фотеља. Малку од малку да го убие оној гаден осеќај на седење во трпезарија што го имаат повисоки возила. За подолг пат пак не е, ама за наваму натаму ќе заврши работа. Е сега дали сакаш волкава мрцина да влечеш за натаму-наваму е друго прашање.
Возилово е всушност многу солидно градско возило, само е големо за да биде градско возило. Системот ја покрива комплетната потреба на една кола која се има по дома. Да се возиш бесплатно во текот на годината секојдневно, а за меѓуградски си се пали моторот и си напојува. Одлично. Пак ќе кажам, ова е она кое се бара. Само со некои измени. Како прво возилото е прескапо. Пре-ска-по. Значи самиот Аутлендер е преценет, не овој систем. Ова е слично пари со дизел варијантата што е налудничава бројка од 42.000 европски пари. Мислам тоа е на граница на улавост. Ова возило чини 28.000 евра во реалноста, и толку би можел некој да го плати. Неможе да си измислуваш бројчиња по потреба. Треба да се пратат некои класи, некои граници, некоја реалност. Стварно системот е врвен, но пак ќе кажам - колата во која е ставен, не е врвна. Да се и двете врвни - разбирам.
Системов ставен во новиот лансер, со ПОМАЛ мотор на бензин околу 1.0 или слично, нема потреба од повеќе и истиов електричен мотор од задните тркала на аутлендеров ставен на предните во лансерот, со резервоар од 30 литри, и истиве батерии од аутлендеров, по цена од 17.000 евра почетна и ни денар повеќе (иста цена со инсајт) е реалноста во која одамна требаше да се наоѓаме со ваквите системи. Ама од којзнае кои причини уште се цепидлачиме со вакви смешни возила со одлични системи...
Жалосно е што волку добар систем е расипан од непромислени работи кои би ги решила било која добра контрола на квалитет и контрола на ергономија. Феноменален систем, пак ќе кажам.
П.С. Полнењето на батеријата е 15КWh (батеријата е 12,хKWh), значи околу 50-60 денари на ефтина и дупло од тоа на скапа.
