Ајде она што ветив и да го напишам. Се работи за следното: како што знете сите возам Јарис и имав можност скоро повеќе од 5 години да возам службена Шкода Фабија 2008 годиште. Приказнате е следна, седнувам во Шкодата за првпат да ја возам (1.2 HTP со околу 60 коња) и со оглед на моторот со 3 цилиндри колата влече прилично солидно, потошувачката во град се движи околу 10 л. што е прилично многу но со оглед на тоа дека моторот треба да ја повлече таа шасија и не е страшно.
Цело време споредбата ја правам со мојата кола која иако нереална во поглед на мотор и механика ми е единствен репер бидејќи во тие возила го поминувам скоро цело време. Потрошувачката е некои 30% повеќе од Тојотата. Како што поминува времето Шкодата се однесува сосема пристојно во механичка смила - нема никакви проблеми НО тука настануваат проблемите кои големите ги одвојуваат од малите (ефтините).
Негде на првата година од користењето на возилото почна нешто да крцка кај задната врата. Наслушнувајќи го проблемот излезе дека звукот доаѓа негде од тапацирот на задната врата. Како што поминуваше времето така почнуваат да се појавѕваат се повеќе вакви проблеми. Почна да крцка и совозачката врата, се излупи бојата на рачката од менувачот, воланот почна да покажува знаци на истрошеност, тапацирите на седиштата, пред се возачкото почна да се лити и сл.
Повторно споредбата ја правам со мојата кола која од самиот почеток се вози со други (пониски) спирали, а притоа никаде не покажа знаци на тропање или чудни звуци, тапацирот е ок, воланот исто така, не се лупи бојата во внатрешноста, а колата е дупло постара и со дупло повеќе поминати километри. И таман кога почнав јас да си трипувам дека барам премногу и дека можеби нереално гледам на работите ми се деси една ситуација во која мојот кумашин треба да купува кола, а јас како најдобар другар му предлагам да го погледнеме новиот Рапид. Неговата реакција беше каква Шкода бе да не си луд.
Неговиот заклучок се темелеше на неговото искуство со Шкода, односно првично возеше Поло па се префрли на Фабија па повторно се врати на Поло и неговата забелека беше повторно во финесите кои и мене ми сметаа кај Фабијата која јас ја возев. Капак на се ова беше Октавијта која ја вози мој колега која има поминато само 26.000км, а веќе има знаци на трошење кај рачката од менувачот и кај воланот. Да го заклучам излагањето и да недолжам многу.
Шкода како возило нуди одлична механика и возило кое ќе ги помине сите препреки како и повеќето во својата класа но за поевтина цена, цена која е добиена на штедење на работи кои во прв момент не се приметуваат и неможат да се воочат после едно тест возење, потребни се неколку години дружење со возилото за да се сфати и воочи тоа. Кога и Шкода би внимавала на сите овие детали цената на нивните возила не би била таа која е но во тој случај не би можела да се бори со веќе етаблираните брендови на пазарот (односно тоа не би го дозволила нејзината матична куќа). Затоа како репер треба да се зема возила од други производители или најблиску од истата групација тоа е Јета која со 1.6 TDI чини негде од 22.000 до 23.500 европски банкноти.
