Здраво дечки, знам дека колава не ви е многу интересна во однос на тоа што се има по форумов, ама еве пошто стигна 100.000 км. редно е да напишам некој збор два.
Прво да ги набројам дефектите (ако може така да се каже) што се случиле до сега. Незнам кога што точно стана ама отприлика се е после 85.000. Откажа еден греач за нафта, се скина сајлата од бравата на малото вратиче позади, се расипа термометарот што мери надворешна температура меѓутоа изненада се поправи сам, и тоа е тоа у главном. +- сјалички од таблица, и два три пати Н4.
Општо колата е добра (пу пу пу), моторот мал, ама си брка работа. Прилично е тромаво на ниски вртежи да не речам мртво, ама над 2000рпм добро повлекува. Не почна да чади ни малку и сеуште работи како на почеток. Можеби се должи на тоа што редовно се вози на автопат па ваљда му годи. Дизел ставам само на Лукоил, не дека имам предрасуди туку така почнав и продолжив. Вкупна потрошувачка до сега (не по борд туку по математика од евиденција) излага рамно 6. Материјали внатре што се употребени се солидни за ваков тип на возило, делува стегнато дури и на дупки. Замерка имам на штофот на седиштата, можеше да биде малку поквалитетен. Не дека се скинаа ама возачкото седиште се гледа малку излитено на бочната страна.
Тоа е тоа отприлика, не кажав за потрошниот материјал, до сега се сменети три пати предни плочки и два комплета гуми, едни зимски и едни летни. Моментално има Dunlop Streetresponse 2 кои што излегоа прилично шумни ама за другото се ок. И нормално сервисен интервал на 10.000 рамно.
Слики немам нови а и нема потреба зашто е исто како на почеток...
