Бачка, ти ме прашуваш дали
јас имам коментар за безбедноста од исхраната со ГМО... а мене контактите од тастатурава ми се излижаа пишувајќи за безбедноста од исхрана со ГМО на многу места поназад во темава. Поголем дел од работите се барем десетина пати повторени, ако имаш некој твој коментар или забелешка на нешто од тоа -повели кажи.
Патем не дека сакам да ја бранам индустријата за органска храна ама многу ми е смешно кога некој ќе каже нешто како ова твоево: „органските конкуренти кои тежат милијарди„.
Смешно е пошто индустријата за органска храна vs ГМО индустријата, таа споредба не е ни како комарец со СЛОН. Ама пошто те читам дека бараташ со бројки и суми пари... повели направи споредба на годишните буџети и профити на тие две индустрии.
Или не мораш, ете направи споредба од друг аспект. Колку увозна храна со ГМО во неа, се носи овде во Македонија... Во однос на тоа колку органска увозна храна се увезува овде.
Како сакаш врти ги работите, јасно е дека ГМО храната е таа што овде нас не тангира и ни се поттура под нос без означување и без можност да избереме дали сакаме или не сакаме да ја консумираме.
А околу преголемата популација, многу ти е суров методот. Никој не би требало да ослепи заради недостаток на витамини или да умре од глад. Абортусот е многу похумана солуција. Нормално и едукација.
Зарем тоа е
мој метод? Јас ја создадов природата?
Кажи ми, еве тебе лично да те прашам. Колку деца имаш? И зошто немаш ете... едно десетина деца, или повеќе??
Одговори на тоа, и потоа прашај се дали тој во Африма може да си дозволи 10+ демца ако ти во Европа не можеш. Прашај се и дали е во ред да се уништи екосистемот за краткорочно да се нахрани претерано зголемената популација... За после неколку генерации секако поголемиот дел од нив да испоумрат затоа што тој раст на популацијата е неодржлив и можеби затоа што се хранеле со небезбедна храна (само делумно испитана со краткорочни студии) и покрај сето тоа еко-системот на планетата да заврши долгорочно оштетен... ??
Значи јасна е работата. Тие ја искористуваат маката и страдањето на луѓето во Африка за промовирање на својата агенда. Да сакаат да им помогнат, ќе им помогнеа... милион начини има како да се помогне на тие луѓе во земја со толкава површина и почва за одгледување нормална храна. На тие луѓе им треба: едукација, патишта, стручна и парична помош за развој на сите аспекти на тие држави.
Но наместо тоа империјалистичкиот западен банкарско олигархиски систем ја експлоатира Африка, секакви природните богатства без разлика дали станува збор за скапоцени и разни метали, дијаманти, минерали, енергенси... Луѓето во Африка многу подобро живееле пред империјалистите да дојдат таму. Се хранеле со векови од тоа што го пружа земјата.
Но што се случува сега?
Автохтоните обновливи извори на храна ги снемува, се сечат шумите, се загадуваат реките и морињата, дивечот и водната фауна се преловуваат и им се уништува и загадува хабитатот... И што им преостанува на луѓето? -Да се преселуваат во големите градови, и да работат никакви работи за ич пари, да се хранат со најевтината храна: во најголема мерка житарки кои се целосно испроцесирани и имаат само хранлива но не и доволно нутритивна вредност. Последиците како слепилото се јавуваат заради недостаток на нутриенти како витаминот А...
И така кругот е затворен, и тие луѓе таму подобро живееле во камено доба отколку сега. Нејсе, денес истите тие кои профитираат од страдањата на луѓето од континентот кој е колевката на човештвото... Истите тие профитери сега сакаат ги искористат токму тие страдања на луѓето за да го промовираат тројанскиот коњ наречен ГМО. Демек само така ќе ги нахранеле Африканците, само така ќе ги спаселе гладните на планетава.
Каква иронија. Каква перверзија. И никој не го гледа тоа... или скоро никој (па пак на исто му доаѓа).
Е тоа е тој геополитички аспект на ГМО храната. ГМО храната е патентиран производ кој мора да се плаќа на секоја една сеидба. Со тие ГМО, мора да се купуваат и хербициди од истите тие компании кои секоја година си наплаќаат дебели пари за семињата, без разлика што тие семиња дошле од минатата жетва која земјоделецот со сопствена мака ја собрал.
Е затоа ги промовираат ГМО. Не заради хуманизам и филантропија туку заради контрола на ресурсот наречен храна за човештвото.
Старите семиња од таткото и од дедото на земјоделецот не можат да наплатуваат пари, и да му забрануваат да го дава или продава на друг земјоделец, или на синот, внукот. Но ГМО семињата, тие се сопственост на ГМО индустријата во секој момент од сеидба па до жетва.
Правилно би било ГМО да ги развиваат државите, поточно меѓународно тело од научници... и добиените ГМО да бидат во сопственост на целото човештво, да може да ги користи секој според сопствено убедување и потреба.Затоа кога ќе се обидат да ве лажат дека се работи за развој на науката и за прогрес, за да ги протуркаат ГМО такви какви само ним им одговараат: Бидете малку посвесни што е позадината на сето тоа.
Прогресот и развојот на науката се една работа, а тоа што денес елитната светска олигархија го прави преку ГМО индустријата... тоа е нешто сосема друго.
Знам од сопствено искуство дека не е лесно сето ова наеднаш да се „свари„. И јас бев на истото место на кое сте вие сега. Сликате и приказните со кои не бомбардираат преку медиумите се сеприсутни, а когнитивната дисонанца е заебана работа. Но фактите се пред вас, носете
свои заклучоци наместо да се задоволувате со заклучоците на некој друг.
Запамтете дека на своите потомци им должите оставштина на барем толку добар свет за живеење, колку што нашите претци ни оставиле нам. Бидете совесни иако конформизмот и согласувањето се секогаш полесни од несогласувањето... На крајот изборот секогаш е индивидуален, исто како и одговорноста од
тој избор.
