Да си го претставам мојот проект од пред 2 години.
Имено, имав вишак време и некој денар и се решив да го средам дворчето позади, кое иако не е големо успеав колку толку да го претворам во местенце каде што можам да поуживам и тотално да се релаксирам. Сите доленаведени работи ги сработив сам со помош на едно другарче.
Па така во левиот дел, вметнав мини градинче кое е лесно за одржување.
Ставив ситен камен место трева највеќе заради кучката(подобро кажано стоката
) која претходно ми ја уништуваше тревата.
Во средина направив фонтата, која по некоја случајност функционира како што беше замислена, што барем на мене ми претставува убав додаток и за гледање и за слушање(се додека не ти се примоча
)
А на десниот крај изѕидав скара, пошто нАли дворче без скара не е двор. Планирав и фурна да ставам, но откако размислив дека реално нема толку често да ја користам се откажав од тоа.
Воглавно тоа е тоа. Сликиве(освен скарата) се малце постари, па така сега во фонтаната има засадено ползавци, односно не во фонтатана туку во жардињерите од страна( се гледаат на сликите). Исто така растенијата во градинчето се убаво пораснати, но со оглед на тоа дека не се разбудени од зимскиот сон не ги сликав сега.
Инаку ми требаше околу месец дена да го завршам, но со натенане работа без никакво брзање. И препорачувам на секој што има услови, да си го среди дворчето по ќеф и да ги искористи благодетите што ги нуди истото.
