Говорено е повеќе пати на форумов за изборот на свеќици, како и значењето на ознаките на свеќиците. Идејата у оваа тема ми е како и колку да се подеси зазорот при ибор на друг тип на свеќици кај возилата на бензин, но и плин.
Имено, со појавата на иридиумски свеќици на пазарот и новата технологија на централна електрода 0,4 мм која работи на понизок напон од стандардните бакарни, од никел и сл. овозможено е да зазорот на свеќицата биде поголем од фабрички препорачаниот без појава на missfire, со што се добива целосно согорување на смесата од воздух и гориво, пониска потрошувачка, зголемени перформанси и тн.
Општо познато е дека со намалување на зазорот се добива помала но посилна искра за сигурно запалување на смесата и како постапка најчесто се користи кај возилата на плин. Во овој случај при користење на бензин како гориво, доаѓа до нецелосно согорување на смесата, црни наслаги, зголемена потрошувачка и намалени перформанси на возилото.
Нема да навлегувам во температурните к-ки на свеќиците и дали и во кој случај ќе треба поладни или повруќи - тоа е како реков опишано претходно во другите теми. Ме интересираат вашите сознанија, искуства или сл. во врска со ова при користење на стандардни или иридиумски свеќици на бензин или плин.
