02.09.2024 година, 160.873 километри.
Заменето:
- сет за куплунг Valeo 832378 (лагер, корпа, ламела), 6.650,00 денари
- сајла за куплунг Sachs 3074 600 146, 1.165,00 денари
- масло во менувач Fuchs Titan Sintofluid 75W-80, 2l, 1.100,00 денари, и
- работна рака 5.000,00 денари.
Вкупно - 13.915,00 денари.
Од причина што ова е прв пат на кола што е во мое опкружување да се замени сет квачило, немав ни претстава колкава може да биде разликата после замена.
ДЕН И НОЌ. БУКВАЛНО.
Ако до сега требало (карикирам) 10 кила притисок да го стиснам куплунгот, сега треба пола кило сила.
Менувањето брзини во возење нема речиси никаква разлика. Но, прва и рикверц, заради кои и се правеше зафатов, се друга димензија. Огромна разлика.
Ламелата како ламела, и не беше нешто посебно амортизирана, иако беше видливо дека има трошење. Најголем проблем испадна лагерот и поготово сајлата, која беше страшно р'ѓосана.
Можеби ќе се решеше проблемот само со сајлата, до толку беше никаква. Но, сега мирна глава со менувачот, валјда до крај на животниот век на колава.
Механички е, можам да кажам, 99% сега.
Мисла ми се уште бобините, сакам да ги освежам, иако немам мака со нив. Свеќичките ќе стигнат за замена за едно 10-15к, па ќе ги заменам топтан и бобините со нив.
Moving on.
