[31.07.2021]i) Цревото кое пукна на одмор е подобро наместено во двор и во домашни услови бидејќи мислев дека подлизнува од доле (можеби плацебо ефект да беше)
ii) Друго соседно црево открив дека е лабаво, бидејќи имаше стара, веројатно фабричка, стега. Променета таа со нова стега со штрафење и тоа се поправи.
iii) Проблемот со ексесивното ладење не е се уште решен. Во петокот на автопат на 35 степени надворешна температура, со 120км/ч и клима, работната температура достигна едвај некако 85 степени. Бидејќи цревото кое пукна од i) е веднаш под термостатот и буквално под сензорот за температура, се сомневам дека пареата под притисок и антифризот кој вриеше го имаат пореметено некој составен дел, па затоа стои (делумно) отворен термостатот.
iv) Колата конечно доби перење со две кофи по некои 10-11 месеци и после толку самоуслужни перални во Скопје. Две посебни микрофибер крпи, за горната и долната половината на возилото, Sonax неутрален шампон, K2 Bold за гуми кој инстантно се впива во гумите и млеко за кожните седишта (со друга крпа се разбира).
Доколку можат дитејлерите/љубителите на нега (ping
@Diesel @Roci ) да препорачаат некаква заштита после перење. Има ли некакво „водено“ решение со пребришување?
Возилото не е уникат, па не треба којзнае какви boujee средства да има, но сепак си заслужува внимание. За жал немам полирка инаку би нанел таков восок од Turtle Wax.
