Вчера имав можност да го возам истава верзија на Dacia Dokker до Гевгелија и назад.
Освен економичниот и доста еластичен мотор (1.5 DCI 90), немам ништо позитивно да додадам за возилово. Мислам дека "катастрофа" е соодветен збор.
Во двата правци возев со уште еден човек до мене напред, и во багажник товарен са.100-120 кила алат. Возилото имаше поминато околу 9000 километри.
На отворен пат солидно забрзува и доста добро се држи моторот за тежината што ја влече.
Ужасно тврдо, потпирањето е далеку од добро, седиштата не се комфорни воопшто за возење подолго од 15 минути. Материјалите внатре се многу крути и крцкање се слушаше позади шалт таблата цело време.
Звучна изолација. НУЛА. До брзина помала од 90km/h внатре е издржливо, после тоа почнува ужасот. На 120-130 (брзина која најчесто ја користам за крузање на автопат) буката е толку гласна, што е апсолутно неприфатливо. Сите камчиња што удираат во подкрилата се слушаат како да удираат внатре во кабина.
Завршната обработка внатре е бедна. Многу лоши материјали, непријатни и крути на допир. Пластика на кило.
Ако некој се двоуми дали да го купи Dokker-ов како службено возило (зашто друга намена НЕ СМЕЕ да има ова возило), нека си ги погледне и проба прво останатите понуди на пазарот од другите производители.
Јас за ваков крш не би дал никогаш пари.
