ЕКСКЛУЗИВНО: Елитен Скопски адвокат и увозник на лускузен Италијански мебел дивееле по улиците на главниот град. Дознајте што значат шифрираните изрази на ноќните тркачи - „држи ова бе“, „вода, вода“ и „каиш стави бе пи*ко“.Во ексклузивното видео до кое дојде нашата редакција, јасно се гледа дивеењето кое веќе станува секојдневие на Скопските улици. Зад воланот на моќни спортски автомобили, Скопската елита ги покажува своите знаења и без никаква грижа за општата безбедност на граѓаните тие дивеат по улиците на главниот град. Од сигурни извори дознавме дека елитен адвокат кој редовно застапува убијци (Т. П.) и неговиот пријател кој увезува и продава скап италијански мебел (М. Д.) во позајмено возило лудувале по улиците. На видеото може јасно да се слушнат и нивните шифрирани довикувања кои успеавме да ги преведеме и ексклузивно ви ги пренесуваме:
„Ова држи бе“ - Автомобилот е стабилен и при повисоки брзини и нагли промени на насокоата.
„Вода, вода“ - Има вода на коловозната лента. Притисни ја педалата за гас посилно.
„Пи*ко, стави каиш?“ - Не си доволно храбар за да се возиш со мене без да ставиш сигурносен појас.
Младите и богати Скопјани редовно лудуваат по Скопските улици - опасната забава започнува на паркингот пред супермаркетот ВЕРО, каде под дејство на музиката на Шабан Шаулич, Синан Сакич, Џенан Лончаревич и останатите музички идоли на тркачите, автомобилите приредуваат шоу. Многуте спортски возила, меѓу кои се наоѓаат и монструозни примероци на Опел Тигра ги вознемируваат околните граѓани кои се жалат и ги пријавуваат овие инциденти на полицијата. Полицијата кажува дека иако секојдневно се бори со оваа девијантна појава, сепак не може да ги контролира тркачите кои благодарение на нивните возила се мобилни и неретко ја менуваат локацијата на нивните нелегални трки и натпреварувања.
З.С.
