Еве, откако се заплакнив у подмишочјето, набрзинка импресии (пошто ја не сликав ништо).
Едно огромно благодарам до сите што дојдоа. Благодарност до сите што дојдоа а не беа од Скопје!
Кога пристигнавме, бевме 23 возила, а понатаму кога пристигнаа и другите, стигнавме до 25-26. Бевме некои 40-тина луѓе, и никаде не успеа да не собере. Ама како и да е, се дружевме одлично!
Возењето по пат беше одлично, без нервози и силења. Држевме темпо докај 100-120 (иако на моменти, имаше поединци што стискаа и повеќе). Пристигнавме сите заедно (иако во Маврово имаше наезда од пензионери), се испопаркиравме, се испосликавме весели и среќни.
Испивме по едно кафе/пиво/вода/етц во Бистра, па отидовме да скокаме по фудбалскиот терен (кој беше фантастичен, и празен), па после тоа лепевме налепници и тегневме КарКлуб ракија (кој не виде, ќе види), и на крај седнавме во ближното кафанче Гламур да јадеме (пошто во Бистра ни кажаа цени од 500 мкд за пилешки стек). На моменти не фати дожд, ама нема везе, одлично поминавме!
Тој што не бил, ќе му биде криво! Али здравје, следниот пат!
