Прво замина кангуто, а сега и пумата, ама во добри раце, ја купи мојот кум и знам дека долго ќе ја вози. Во меѓувреме се мислев помеѓу повеќе возила, А4-ка, меган, вектра. Во компромис со сопругата се одлучив за голф. Голфот е капарен утре треба да го земам, така да повеќе информации и слики откако ќе му земам таблици.
Спецификации (фабрички не од мое лично искуство):
* 1.9 TDI PD
* 1896 кубни сантиметри
* 85 киловати (115 коњски сили)
* 285 Nm @ 1900 RPM обртен момент
* Максимална брзина 195 километри на час
* Забрзување од 0 до 100 км/ч 10,3 секунди
* Потрошувачка: град/отворено/комбинирано - 6,9/4,2/5,1
* Рачен менувач со 6 брзини
Сите овие податоци се дадени од фабрика, кога ќе ја истестирам добро колата ќе напишам мои импресии.
Колата е произведена 2001 година, увезена од италија. Каросериски колата беше одлична со исклучок на некоја гребнатинка, корозија нема воопшто. Ентериерот е за средување, има гребаници од фрлани клучеви и тапацирот на кровот и вратите е негде одлепен. Покрај стандардната проверка на колата од сомнителни издувни гасови, плукање масло и меури од антифризот, ја извозев едно 20 километри при што ги проверив сите брзини, подвозјето, управувачкиот систем, забрзувањето. Менувачот за разлика од пумата има подолг од, но е прецизен и лесен за користење, првпат возам турбо дизел и можам да кажам дека сум позитивно изненаден, во втора брзина на мали обртаи дадов полна гас и колата ме залепи за седиште. Ја возев колата по доста нерамен пат полн со дупки немаше никакво тропкање и крцкање на пластики, на 140 пуштив волан колата не мрдаше, го сецкав воланот лево десно немаше бегање на задницата. Моторот работи доста тивко за дизел, а внатре воошто не се слуша. Колата има трокрак волан, одлични седишта, климатроник, воздушни перничња, абс... стандардни работи. Радио нема, но секако ќе го менував стандардниот касетофон за некое 2 дин радио. Првите впечатоци се добри ќе видиме за понатака, во случај да не ми се допаѓа голф лесно се продава
.
Еве и некоја слика од огласот:
Е сега ќе ми требаат неколку совети
1. Какво масло да ставам, овие pumpe duse мотори биле специфични по тоа прашање и морало да се става строго пропишано масло од volkswagen, значи која марка и која градација да ставам
2. Дали да го затапам ЕГР вентилот, што би добил со тоа, колку е комплицирана самата процедура и дали не е попаметно само редовно да се чисти
3. Кое дизел гориво од која пумпа по ваше искуство е најдобро
4. На колку километри да менувам филтер за гориво
5. Дали да ставам некој адитив од типот на Ceratec кога ќе менувам масло и дали да ставам во горивото некој адитив за чистење на дизните
6. Дали да го вадам катализаторот, колку тоа ќе ми ја зголеми бучавоста на колата и дали се добива нешто во поглед на перформанси
7. Дали препорачувате чип тунинг на овој мотор
8. Колата 99 проценти од времето ќе се вози низ град, на колку време да го издувам моторот за да се прочисти од гареж
9. Како да го средам тапацирот на кровот што е откачен или да оставам на професионалец тоа.
Знам дека се малце повеќе прашања, ама нов сум кај турбо дизелите па подобро да прашам поискусни од мене. Моментално во план ми е регистрација, промена на масло и филтер и едно хемиско чистење на ентериерот, гумите се нови и каишите се променети, за почеток толку пошто доста се потрошив за колава, ме кошта 4350 евра до регистрација, за понатака имам дости планови.
