Да се надоврзам на муабетов,тој дел каде што е пропаднат асвалтот уште пред да го асфалтираат едно човече што има во близина викиндичка му викал да стават потпорен ѕид зашто патот може да пропадни и може некој да загини,ама никој не го послуша и крајниот резултат еве го на дело.На тој дел многумина се имаат зезнато од кој и јас се бројам во нив во кој за влакно не изпогинавме јас, сопругата и децата,кога ќе се присетам на тој момент кожава ми се ежи и на никој не му посакувам такво нешто (освен се разбира на некој од нашиве глаучи што ни ја водат државава да доживеат она што го доживеавме ние.)Сета среќа беше што бев присебен и што од спротивната страна немаше никој иначе ќе не собираа со лопата.
-Бидејќи и јас сум од оние што држава ја вртат по неколку пати во месецот можам само да предупредам на некои многу опасни делници од државава (ова посебно го пишувам за шофери почетници бидејќи тие најмногу ни гинат на нашиве патишта).
1.раскрсница кавадарци плетвар-да се внимава на раскрсницата кога излегувате од кај ф-ка ФЕНИ посебно ноќе слабо е осветлена и прегледна, а и тоа малку светло што доаѓа од бензиската станица може многу лесно да ве заслепи.
2.плетвар-прилеп.- на оваа релација на местото викано "кај тунелите" да се обрати посебно внимание зимно време зашто може многу лесно да се заслизгате и да удрите или во карпите или да падните во реката (неколку шофери се имаат и тоа многу убаво плеснато на овој дел од патот.)
3.гореспомнатата дупка иако е сега (последниве неколку год.)обележана знае убаво да ве изненади доколку не внимавате на патот.
4.на истиот пат само неколку км погоре наидувате на мостот кај каменоломот од кој почнува патот да пропаѓа и да личи на шини и може многу лесно да ве исфрли на другата страна, (посебно да внимаваат мотоциклистите) и никако да не се престигнува на тој дел.И на овој дел многумина завршија под мостот или во ендеците од спротива.
5.последен и еден од поопасните делови на оваа делница е местото викано "ленски мост".Кога слегувате од плетвар према прилеп ќе забележите дека патот од 3 ленти преминува на 2 ленти (точно на мостот),местото е такво што посебно во утринските часови од октомври па се до април може да подмрзни и многу лесно може да ве исфрли од патот.Неколку опасни и сообраќајки се случиле точно на ова место од последната беше фатална за едно семејство од бт каде на лице место загина постара жена.Многу пати прилепчани реагирале пред надлежните во прилеп токму за ова место, но сите се прават на глуви а народот си гини.
6.прилеп-битола - патот е ужас, многу пати го поминувам овој пат и имам чуство како да се возам по селска калдрма,бара големо внимание зашто се вози многу брзо а има и дупки кои доцна можете да ги забележите а знае да изненади посебно во утринските часови, може да се појави магла.
7. битола-ресен-охрид.- на оваа релација можам само да речам господ на помош нека му е на тој што го вози.Патот (изобилува од дупки,опасни и непрегледни кривини,удолници и угорници од кој можеш морска болест да фатиш,одрони од карпи а понекогаш можно е на патот да ти претрча зајак,лисица а и по некоја мечка,битолчани си знаат
.
8.охрид-кичево-на оваа делница најопасно е кога слегувате по таа удоницата посебно зимско време,а најзафркнато е кога ќе ги поминувате мостовите тука многу лесно можете да искривите бандаж,а и изобилува од опасни кривини и забегани шофери кои се мислат дека се на некоја F1 патека.
9. кичево-м.брод-мирна релација не е многу оптоварен со сообрајќај , патот е релативно неоштетен,но можно е во летниот период некој тракторист убаво да ве изненади,опасно на оваа делница е кога се приближувате до м. брод каде има неколку опасни кривинчина а можно е да ве изненади и по некоја лисица или зајак.
10.м.брод-прилеп- на оваа релација најопасно е кога излегувате од м.брод и се качувате по угорницата каде скоро нон стоп има одрони од карпи а зимско време знае и да подмрзни патот и да дојди до пролизгување на возилото.втор опасен дел е патот од с.дебреште до прилеп каде има поставено нов асфалт и се вози многу брзо, а има и доста кривини и патот ноќно време скоро и да неможеш да го видиш.
11.криволак-раскрсница штип радовиш-на оваа релација најопасно е на самата планина каде има доста одрони и опасни кривини,а зимно време на некои делови има и подмрзнат коловоз.на овај пат барем јас имам начекано 10-тина возила што удриле во камења предизвикани од одрон.
12.штип-радовиш-на овој пат обавезно мора да начекам некоја сообрајќајка,или некој да слетал во ендек многу брзо се вози и не се внимава на патната сигнализација а и патот е доста оштетен.
13.струмица-валандово-на ова делница главен проблем е самиот пат каде не е доволно широк а има и доста опасни кривини, на оваа релација ми се чини дека најмногу ги трошам дисковите и плочките од кочење.посебно опасен е делот кога слегувате према валандово патот е како создаден да се закачите во некој насип или ограда.
тоа се засега неколкуте посериозни и проблематични релации, има и други но да се надеваме барем со ова што го пишуваме ќе спасиме нечиј живот.
