Уште не сум објавил,(нов член сум), но јас возам Ауди А4 1.9 ТДИ модел Б6 со 131кс од 2003 година купено ново од салон во Австрија, така е купено зашто газдата на салонот е наш пријател. Од почеток аудито го возам јас и досега имам поминато веќе 255.000 км. и верувале или не, досега немам никаков, ама баш никаков проблем со возилото. Редовно сервисирано во ,,Старт,, Демир Капија.
Исто така татко ми вози Ауди А6 2.5 ТДИ, со 150кс, 2000год. исто така купено ново во Австрија, има поминато 490.000 км. На шестката витален моторен дел кој е сменет досега е само бош-пумпа, на 300.000 км, а моја претпоставка е дека причина за расипувањето на истата е горивото со лош квалитет во нашата држава. Фотографии и од двете возила планирам да објавам во најскоро време.
Сакам да кажам дека, правилно одржување на возилото, во овластена сервисна мрежа, со оригинал фабрички делови е клучен фактор за тоа дали истото возило ќе трае или не. Голема улога игра и тоа каде самото возило е купено т.е. за кој пазар е произведено, мала улога игра и тоа дали самото возило ќе ти се погоди или не.
Уште кога ги купувавме возилата, типот од Австрија ни даде еден совет. Додека моторот не постигне работна температура од 90 степени (дизелот малку побавно ја достигнува) истото возило во никој случај да не го возите со повеќе од 3000 обратаи (вртежи). Тоа е еден совет кој го добивме тогаш, и мислам дека е од големо значење за секое едно возило, доколку се почитува.
