Пак ќе прашам - ОД КАДЕ ТОЛКУ ПАРИ? Како ја објаснуваш ти вредноста на парата, во тоа време?
јас ке ти појаснам вака:
комшијата до мене е вработен во една скопска фирма... вработен е од 2006-та година, мајсторска работа. тогаш примањата му беа околу 15.500 месечно... денес, 7 години покасно, сеуште работи во таа фирма и платата му е пак околу 15.500... мајсторска работа, без шанси за напредок, тоа е тоа...
е сега.. пред 7 години цените на храната, комуналиите (вода, струја, парно, телевизија), понатака горивата и буквално се беше околу пола од она што денес кошта за истото...
тоа значи, парата (денарот) тогаш имал поголема вредност, а денес помала...
јас сум и постар од дадената година на нуме.. знам како се живееше тогаш... немој те молам сега со изрежираите муабети дека тито тогаш зимал кредити и ја однел југославија во долгови... овие сега што прават? што прават и тие пред нив? цело време у оваа јебана транзиција откако сме “осамосталени“ се зимаат само кредити и упорно сите брујат околу нас дека народот тоа го плаќа..
да продолжам, дека јас сум го фатил тоа време кога прата имаше вредност, мнооооогу поголема од ова сега. во тоа време кога беа динари со една плата мајка ми купила стан и покуќнина на кредит (самохрана мајка да нагласам).
ај ти сега објасни ми која самохрана мајка може денес да си дозволи да купи стан на кредит и да чува деца во меѓувреме? ќе мора да има минимум 1000 евра месечна плата а такви на прсти се бројат во државава. во тоа време такви имало многу. знам и еден куп примери што го покажуваат и тврдат следново: “дедо ми и баба ми со работничка плата куќа изградиле од 150 квадрати, и ден денес јас живеам во нејзе“... ај да те видам тебе сега стави темели на куќа ако можеш а не куќа да изградиш цела со 2 работнички плати... нека биде 12.000 платата, не минималец... тоа се 400 евра примања од двајца вработени... изгради куќа, и во меѓувреме живеј и храни се со тие пари, вклучително и децата.. пази да не,мало сутра...
и уште нешто...пошто е автомобилски форум... се сеќавам дека стариот мој идеше на бензинска, ке дадеше чек еден (1200 динари) ке натанкаше резервоарот со бензин на лада специјал ДО КАПАЧЕ и ке му вратеа кусур... денес за тој подвиг на таа кола ке ти треба кредит...
Прва работа - за трошоците, платите и цените. Точно е дека се е поскапено и дека не достигаат, пустите. Ама, тука има и еден друг битен момент - парите во тоа време се ваделе многу полесно, имале првенствено затоа што немале каде да ги потрошат, па тек трето е поевтините цени на се живо и диво.
Пример - немале интернет, кабловски, сателитски, мобилни - по 16 во фамилија, немале по 4 коли во фамилија (за секој член по една), и така натаму. Парата имала поголема вредност тогаш, за разлика од сега, ама не до толку колку што вие ја терате во крајности. Незначително.
Друг пример - најбанален и што ми е врежан во меморијата. Влегувам во продавница, тогашна "самопослуга", рафтови по 50 метри, и на секои 2 метра по 3-4 пакувања од еден производ. Освен "Кристал" маргарин, друго немаше. Денес - имаш минимум 20 врсти маргарин во секој момент - со волкава масленост, диетален, куров, пичков, газов.. Па ти јадеш обичен, ќерка ти - диетален, па наместо еден (тогаш "Кристал") ти треба да купиш две. Ете каде ти одат парите денес - купуваш сто варијации на еден производ.
Втора работа - за тие што живееле или фатиле малку од тоа време. Јас сум еден од нив, фатив многу малку, ама видов. Искрено, веќе преку к*ров од плачењето и кукањето "а бе тогаш вака, така".. Гледајте денес да си го направиме животот подобар, не да плачеме за нешто што поминало и нема да се врати.
Кредитите (она што ти го нарекуваш изрежирано) е многу точно. Знаеш како е - зимаш 10.000 плата, ја поебуваш за три дена, и 27 дена немаш ништо. Некој ти дава пари да живееш (луксузно, морам да кажам) и останатите 27 дена, но не го заборава тоа - и кога тогаш, ќе си ги побара. Исто и со Југославија - финансиерите си ги бараат парите назад, и тоа со огромни камати, само што 27-те дена се веќе 27 години, а платата твоја си ја сјебал ти за 3 години - пари кои требало да те држат, многу, многу повеќе време. Никогаш не сум рекол дека Тито ги земал кредитите, ама фала Богу - не ги ни одбивал. Овие сега - тие пред нив? Никој не кажа дека се посаглам, во ниеден муабет. Ама, што правиме ако вистина тие (а со тоа и ние) уште плаќаме за тие кредити, кога моите дома живееа како кралеви, а не работеа ни 1/4 од тоа денес што го работат, за помалку пари?
Значи, не тврдам дека е така - 100%, ама што ако е така? Титови Леви Сили организираа групно бесење во моментов.
Тоа што денес мизеруваме - виновна е директно генерацијата пред нас, односно моите и ваши родители. Наместо на таа пара што ја ваделе, да вложувале, да заштеделе, или (барем) да краделе како 10-20 луѓе кои сега се богови благодарение на тоа време - тие мислеле дека Господ милион години ќе оди по земјата, и дека секогаш ќе биде така - ќе живеат како бубрези во лој.
Е па, драги мои, нема.
Спомнуваш дека твој близок купил стан и покуќнина. На кредит. Фала - пријатно, сам си го донесе муабетот. Сите знаеме како можеше да НЕ се плаќа кредит во тоа време, односно да се "замиже". Е па, денес нема замижување, а луѓето се навикнати на таков режим, и само плачат.
И денес е многу тешко да се изгради/купи куќа/стан без кредит. Да не се лажеме. Само условите за добивање, плаќање и на крај - исплаќање на тој кредит се различни.
И за горивото потпишувам - така беше. Запрашај се - зошто, кој давал и кој плаќал? Во еден таков хаотичен систем, нормално е да се појави крајот и некој да каже "СТОП", и да си бара тоа што е купено/потрошено, да му се плати. Нема логика - тогаш, сигурен сум, дека самото вадење и рафинирање на нафтата бил многу потежок, а со тоа и многу поскап процес. Неможе засекогаш да биде евтино тоа. Немој само да ми кажеш дека со "радни акции" ваделе нафта.
Сфатете веќе еднаш - таа Југославија, и тој Тито, се ентитет и субјект формирани "ад хок". "Ад хок" значи - по потреба. Некој имал потреба од тоа, ја формира, ја финансира, завршува потребата од неа (циклусот "интереси" завршува) и ја растура.
Југославија - и позиционо и "тактички", претставува своевидна "тампон-зона" помеѓу Западниот и Источниот блок, односно помеѓу Америка и Русија. Сите знаеме каков бил односот нивен во тоа време, ако некој не му е познато - има литература, нека чита. За да не доаѓа до контакт (политички и воен) помеѓу нив, тука е формирана Југославија, која е финансирана и од двете супер-сили, за некои трети, поголеми цели. Целите (не) се остварени, Југославија е насилно растурена, не се распадна "сама од себе". Убаво им било тогаш - цицале од две мајки. Е па, нема веќе. Сега - ќе удриме на вода, затоа што оние пред нас го испиле млекото за 3 генерации после нив.
Тито - било кој друг да бил, исто ќе било. Само сега наместо да се крстите во Тито, ќе сте се крстеле во Петко.
Како може бе, запрашајте се - 5% од луѓето работеле, 103,2% од нив имале. И тоа не за скромен живот - туку за луксузен. Немојте да ми кажете дека тие 5% толку добро си ја вршеле работата, што било доволно за цела нација.
Знам како беше тука - Млаз. Знаете сите кој и што беше Млаз пред 20-тина години (иако денес се за потсмев). Млаз вработувал околу 2.000 луѓе. Сите примале огромни плати, кога објективно имало работа за не повеќе од 500 луѓе. Како?
Татко ми самиот си кажува - две недели одев на работа, две не. И тогаш беше возач на камион, и денес е. Зошто во денешно време не оди на работа он кога сака, а работи за двојно помала плата? Пресушил изворот, I guess..
Администрацијата во Млаз - реално, можеле да ја работат 20-тина добри правници, економисти и шпедитери, вкупно. На секој вработен-возач, имало по три администрација. Иделе во 10 часот на работа, пиеле кафе, и во 11 веќе биле по нивите, работеле земјоделие. И ќе имаат пари - па ќе имаат, како ќе немаат. Им се давани незаработени плати.
13-та плата? Што е тоа? Со што сте ја заслужиле? Пресметајте колку такви плати се дадени, па ондак пресметајте колку месеци не сте земале плата. Ќе видите дека сте земале плата, само ви е потрошена - пред 15-тина години.
Тоа е тоа, "накратко".
ЕДИТ:
Заслепени сте, ве разбирам. Ви било толку убаво, што сега некој да ви пререче за тоа, исто како деца да ви испоубил. Тоа е тоа, помирете се.
