http://www.carclub.mk/2012/09/30/hennessey-performance-venom-1000-twin-turbo/
Надоградбата Venom 1000 Twin Turbo се очекува да понуди зачудувачка моќност, односно 1,120 коњски сили при 6,200 вртежи и ѕверски 1,478 Nm максимален вртежен момент при 4,200 вртежи во минута. Опремен со овој пакет новиот Viper ќе биде способен да забрза од место до 100 км/ч за само 2.7 секунди, додека четвртина милја поминува за 9.7 секунди со излезна брзина од 244 км/ч.
Пакетот содржи голем број на надградби додадени на 8.4-литарскиот V10 агрегат, кој во стандардна форма произведува 640 кс и 815 Nm вртежен момент. Tука спаѓаат ковани алуминиумски клипови, два турбополначи, предно поставен интеркулер, полирани челични цевки за довод на воздух, специјални цевки за интеркулерот, турбо гранки од не’рѓосувачки челик, итн.
Засилениот звук доаѓа од издувен систем со дијаметар од три инчи кој е направен од не’рѓосувачки челик, a Hennessey исто така ги промени бризгалките и пумпата за гориво, како и регулаторот за притисок на горивото.
Во пакетот се вклучени Hennessey рачка на менувачот, Hennessey патосници, Hennessey и Venom 1000 twin turbo надворешни амблеми и плочки со серискиот број монтирани на централната конзола и моторот. Како опција може да се добијат и VenomAero преден сплитер, VenomAero задно крило и VenomAero предни крилца, сите направени од јаглеродни влакна.
За полесно управување на возилото Hennessey нуди лесни алуминиумски едноделни тркала, тркачки појаси со логоата на Hennessey и Venom, двојна прилагодлива суспензија, ладилник на задниот диференцијал, заштитен кафез, две линии преку целиот автомобил, противпожарен апарат и детали од карбон во ентериерот.
Пакетот е во понуда со гаранција од една година или 12,000 милји, но цените сеуште не се објавени.
...kako sto veli agent Smith: It is inevitable.
